сабота, 24 октомври 2009

Sapporo Yuki-matsuri - земја на соништата од кристален лед и бел снег

Секој Февруари во Сапоро, Хокаидо, се оддржува Фестивалот на снегот или Sapporo Yuki Matsuri. Историјата на фестивалот започнува во 1950-тата година, кога неколку средношколци направиле шест сататуи од снег во паркот Одори (大通公園, Ōdōri Kōen). Во 1955-тата година Јапонските сили за самоодбрана од локалната база Makomanai ги направиле првите масивни снежни статуи, по кои подоцна ќе стане познат овој фестивал. Интересно е и, што во услови на помало количество на наврнат снег во Сапоро, силите за самоодбрана носат снег надвор од Сапоро, а тоа ним им се смета како вежба.
Во денешницата, за време на овој фестивал Сапоро е посетен од страна на 2 милиони туристи од целиот свет. Се оддржува на три локации во рамки на градот: Одори паркот, Сусукино и Тсудоме.
Фестивалот е од натпрева-рувачки карактер (од 1974) на тимови од цел свет, а центар на збиднувањата е секако, паркот Одори. Тој е лоциран во срцето на Сапоро, долге е 1,5 km, а во него се поставени огромните снежни статуи, кои често знаат да достигнат и 15 m висина и 25 m ширина. Често тие служат како импровизирани бини на кои се оддржуваат и концерти. Покрај џиновските статуи, тука се наоѓаат и помали статуи, а најубав поглед на пракот има од ТВ кулата на Сапоро.
Локацијата Сусукино, која важи за red-light district на Сапоро, исто така има статуи и се наоѓа недалеку од паркот Одори. Тука се организира натпреварот во правење на статуи од лед (すすきの氷の祭典, Susuki no Kōri no Saiten). Исто така на оваа локација има годишен избор на Снежна кралица. (мис рУмска лепотица XD)
Tsudome, пак е локација која се наоѓа малку понастрана од центарот, и која е во функција на фамилијарна забава. Тука, на снежни лизгалки и лавиринти, snow-rafting, како и на голф на снег може да се забавуваат сите посетители на фестивалот, како и да уживаат во регионални кулинарски специјалитети.
61виот фестивал на снегот ќе се оддржи од 5ти до 11ти Февруари 2о1о. Иако овие статуи кратко траат, сепак тие се тивок показател на човечката творечка моќ. Кој знае, можеби еден ден, и ние ќе бидеме дел од зимската приказна од бел снег и кристален лед ;)

вторник, 09 јуни 2009

Дали аниме карактерите се стварно јапонци?

Одсекогаш ме нервирале оние глупави заклучоци на луѓето, пред се добиени од премалку податоци и размислување, дека карактерите во аниме филмовите се бели (во смисол кавказијанци, white people), и не изгледаат јапонски. Но всушност ова многу кажува колку нивниот заклучок се заснова на стереотипната слика што тие ја имаат во својата глава за тоа како изгледаат јапонците.

На некого ова му го пукнало филмот, па решил детално и визуелно да објасни колку всушност аниме ликовите се типични јапонци, креирајќи го ова видео.

Мислам дека чашата ја претекол нечиј академски труд на темава. ЛОЛ

сабота, 23 мај 2009

Јапонското куче - симболот на лојалност, храброст и достоинство

Инспирирана од постот на Би за мачките, јас се обидов да направам еден осврт кон кучињата (Inu) во Јапонија, пред сé поради мојата приврзаност кон кучињата воопшто.
Историјатот на кучињата во Јапонија започнува во т.н.
Jōmon период (7.000 години п.н.е) и укажува на фактот дека кучињата коегзистираат со луѓето дури од каменото доба. Модерното јапонско куче, пак, е настанато со постојана селекција и мешање на азиските видови под влијание на миграциите на античките раси. Во Nihon Shoki (Јапонските хроники, кои претставуваат најстариот историски запис во Јапонија), но и во други историски записи, постои фактот дека уште од дамини на кучињата им биле давани имиња и на луѓето им служеле за на лов и како кучиња чувари во поновата историја. По завршувањето на Токугава периодот (1603-1867), кучињата кои оригинирале од Јапонија постепено започнале да ги мешаат со западните видови на кучиња кои биле увезувани и биле многу ценети. Така , оригиналните јапонски видови биле на работ на исчезнување, и затоа групи на фанови на јапонските видови, како и Министерството за образование покренале иницијативи за зачувување на чистокрвните јапонски примероци, па дури и се прогласени за вредна јапонска сопственост. Еден таков пример е и Morie Sawataishi, кој својот живот го посветил за оваа цел.
Историјата на јапонското куче има и мошне мрачни делови, како на пример фактот дека служеле како храна на јапонското
население за време на војната (II светска војна), или пак кампањата на властите по војната за јавно уништување на кучињата во борбата против беснило, која Јапонците ја имаат како лош спомен од минатото. Така, полека народот во Јапонија станал фобичен, и во принцип и генерално за кучињата и кај нас владее мислење дека сé што знаат да прават е да гризат.
Да се вратим
е на јапонските видови на кучиња. Тие се калсифицираат по големина и место на потекло (освен Shiba Inu, на сликата подолу) и на следниот линк може да се прочита повеќе околу тоа. Претежно спаѓаат во генералната категорија на шпицови (освен Tosa Inu), а варираат по боја и големина, но со типични карактеристики. За јапонските кучиња важи мислењето дека имаат посебен вид на карактеристики на послушност, лојалност и храброст, но и дух. По темперамент се смирени и обзирни, со голема доза на достоинственост.
Лојалноста на јапонските кучи
ња е опишана во приказната за Hachiko, Akita inu-то (на првата слика), кое секое утро го испраќало својот господар на Tokyo station, и се брзало да го пречека навечер кога се враќал од работа. Кога неговиот господар ненадејно починал, Hachiko не престанал да оди и да се враќа од станицата, се додека и самиот не угинал од старост. За него е подигнат споменик на Shibuya station, како сведок на неговата лојалност и приврзаност кон господарот.
Дека кучињата се популарни, без разлика на расата, сведочи тенденцијата во последно време, во Јапонија, да се заменува чувањето на децата со кучиња. Повеќе на следниот линк, а има и ред други сајтови на кои може да се разгледа оваа состојба. Но, иако сум голем љубите
л на кучиња, сепак, според мене ова е бизарно, и мислам дека нема ништо лошо во тоа да се има и дете и куче во исто време. Замислете, кучињата во 2006 година го надминале бројот на десетгодишните деца.
Сепак, кучето било и ќе остане едно од најомилените домашни миленици, без разлика на сé
. Покрај лојалноста и приврзаноста, причината поради која посебно ги сакам кучињата е и тоа дека тие навистина имаат фацијална експресија со која демонстрираат различни душевни состојби и се ретки животинки кои можат да го направат тоа. Листата на имиња за кучиња е на овој линк, и ако имам ново куче, покрај Дино, би си го крстила Хоши, што во превод значи ѕвезда. Кликнете на сликата за да видите повеќе форографии од Yuki, кученце од видот Јапонски шпиц.

петок, 15 мај 2009

Neko (猫, ねこ)

Уште една заедничка опсесија која ја имам со јапонците, но се разбира тешко е да се натпреваруваш со нив. Одамна сакам да напишам ваков тип на пост каде што ќе соберам повеќе податоци од различни извори, поврзани со еден аспект од јапонската култура, па еве дојде редот на мачките =^_^= (неко)
Значи чим почнав со ова се подразбира дека јапонците ги сакаат мачките и тоа може да се види во неколку аспекти од нивната култура.

Генерално јапонците мачките се сметаат за поволни, такоречи благопријатни :)) што носат среќа, а исто така се доста популарни и сакани миленичиња. Во поодамнешното минато постоело и верување дека мачките можат да се претворат во демонски чудовишта, но за разлика од нашите суеверија, кај нив се сметало дека несреќа може да те прати седум генерации, ако убиеш мачка. Кај нас нели несреќата е ако мачка ти премине преку патот, па затоа подобро да ја убиеш.

Во јапонската уметност се забележуваат мачките како популарен субјект во јапонските принтови, уште од Едо периодот(1603-1868), па до денешен ден. Некои уметници биле и познати по тоа што правеле портрети на мачки. Слично и уметниците на зборот, старите хаику мајстори во многу нивни песни ги опејуваат и мачките, a модерните хаику поети пишуваат хаику од гледна точка на своите мачки :) (за сите што чуваат или чувале маче, ова е доста интересно). Мачките неретко се спомнуваат и во старите јапонски народни поговорки - тука има неколку примери.

Maneki neko е доста познатата мачка со подигната шепа, поточно повикува со својата шепа). Сигурно ја имате сретнато на интернет, а можеби и во некое аниме. Во јапонија се смета дека носи среќа, па манеки неко скулптури се чуваат по домовите или во продавници и ресторани за да носат среќа и профит. Постојат многу легенди поврзани со оваа мачка, доколку сте заинтересирани можете да ги прочитате тука.

Но тука е и ултрапопуларната Hello Kitty, која уште од '74 па наваму постепено и сигурно го освојува светот, па сега можете да ја најдете во најразлични форми, почнувајќи од „аксесорис“, „геџети“, облека, игри, стрипови, бонбони, музика, фестивали, „тим“ паркови, тостери, храна, гитари, секакви типови на „гудис“ и скоро сè што може да ви падне на памет и може да се продава. Јапонците отидоа и дотаму што ја прогласија за официјален амбасадор на туризмот во Кина. Од 2004та и самата Hello Kitty има свои љубимци мачето Charmy Kitty и хрчакот Sugar кои и се подарок од татко и :)))

Колку всушност јапонците се луди по мачките можете да сфатите од неодамнешниот тренд во Јапонија на отворање на (како ова да го преведам соодветно) cat cafe-ња. Сигурно веднаш се прашувате за што се работи и нема веднаш да ви падне на памет вистинскиот одговор. Не се работи за кафиќи со фелин-тематика, нешто како wc рестораните, но ви доаѓа нешто послично со холандските кофи шопови или можеби уште поблиску до ред лајт дистрикт, без хентаи делот, но со изнајмување на друштво. Значи во овие кафиќи освен во кафето уживате (и нормално ви се наплаќа за тоа) во друштвото на мачката која ќе си ја изберете. Значи "no strings attached" совршена миленик- човек врска за презафетените јапонци. Моментално во Токио има вакви триесетина кафиќи и бестрашно и одлеваат на рецесијата. Одличен бизнис за реони каде што луѓето не мкожат да си дозволат уште една обавеза, но сакаат да го имаат задоволството што таа го носи со себе. Доколку сакате да дознаете попрецизно за што се работи, а можеби и сте заинтересирани за развивање на сличен бизнис тука, прочитајте повеќе.

А дека стварно јапонците си ги сакаат мачките е познато и по тоа што една од попопуларните активности на јапонските пожарникари е симнување на мачки од дрво :) Е сега Јапонија немаше да е Јапонија, ако немаше и ваков случај, каде што пожарникарите не можејќи поинаку да ја симнат исплашената мачка од врвот на високото дрво, морале да го пресечат дрвото. Ако не ми веруватe, на линкот имате и видео. Се разбира, при падот мачката се повредила, но е на земја и жива и во прегратките на своите луѓе :)

Уште еден јапонски феномен поврзан со мачките, кој ми се виде интересен е neko bus. Инспирирани од карактер во мијзакиовиот „Мојот сосед Тоторо“ некои се обиделе да го оживеат претворајќи го своето комбе или автобус во некобус. Погледнете некои од успешните реализации.

За крај, за сите јапанофили љубители на мачки, еве ви листа на јапонски имиња за вашето ново маче и едно видео со слатко јапонско маче кое сака да е човек :)


Funny Japanese Cat - Click here for more free videos

четврток, 30 април 2009

Јапанорама 12 – Несекојдневно аниме во комбинација со хаику

30.04.2009, 20 и 30 во к.ц. ЦК

Во последниот ден од Април, го имаме тоа задоволство да ве поканиме на едно малку поинакво издание на Јапанорама. Дванаеската ќе биде во знакот на крткото аниме Pale Cocoon и хаику поезијата, и ќе биде продолжение на случувањата од прославата на Сакурата на 25 Април годинава.
Pale Cocoon е едно несекојдневно аниме за кое poljaff на својот блог ќе напише:

“Замислете да постоиме без минато, да не се сеќаваме на ништо од историјата. Светот да не познава океани, планини, сонце и месечина. Да го живееме секој ден во потрага по сеќавањата за нас и Земјата, впишани во дигитални записи кои лебдат некаде во етерот. Работиме само на тоа да ги „откопаме“, анализираме и дотераме тие записи на слики, да ги подредуваме и да ги ставаме во некаков контекст, нaдевајќи се дека ќе ја откриеме вистината за светот кој некогаш не’ опкружувал. Се’ додека не ја откриеме...
…Pale Cocoon, кратка sci-fi анимација, за реалноста која следи, ако продолжиме да се однесуваме безгрижно со светот окoлу нас...”

Во продолжение следува читањето на хаику поезија, на Владимир Мартиновски и неговите пријатели, кои со својот придонес, низ хаику стиховите ќе ја збогатат оваа Јапанорама на огромно задоволство на сите присутни.

За таа цел, ве покануваме во културниот центар Ц.К. во 20 и 30 да бидете дел од оваа Јапанорама.

Телефони на соларна енергија

Меѓу многуте вести од јапонскиот дизајн на Миланската недела на дизајн оваа година беа презентирани и концепти за телефони на сончева енеригија. При тоа, да не дојде до забуна, соларната енергија би била дополнителна при полнење на телефоните. Трите модели од линијата на "Solar Phone Concepts" на KDDI, за прв пат беа претставени CEATEC JAPAN 2008. Нивната комерцијализација и пошироко производство допрва ќе се одлучува. Но, сепак, нешто навистина интерсно во светот на технологијата.

Првите два модели за дизајн на MILE дизајн студиото.

Voyage е трибјут на 40 години од слетувањето на Месечината, кога соларните панели се слика на новата ера во свемирот. Потсеќа на огромната вселенска меѓународна станица високо над нас.
Gem e подарок од Мајката Земја како најблизок пријател на Сонцето. Со своите фотоволтни келии ја складира енергијата на Сонцето и ви блеска во вашиот џеб како скапоцен камен.

Soup e состојба на висока температура и густина за време на Создавањето на Вселената кога просторот и времето не познаваат граници и се меѓусебе зависни, како што денес мобилнитетелефони се зависни од меиловите, музиката, камерата, Интернетот... Дело е на младиот и успешен дизајнер Hironao Tsuboi.

Погледнете ги и другите дизајни од KDDI. Кога е во прашање дизајнот, нема ниту еден модел од овие кај нас што би го преферирала пред некој од овие модели. На пример, јас би гласала за Ishicoro моделот од 2002 :)

недела, 26 април 2009

Каиба

Бидејќи обично гледам повеќе анимеа паралелно и немам дупка помеѓу завршување на едно и почнување со друго никако не стигнувам да напишам пост за некое. Додуша им оставам простор на колегите тука кои имаат повеќе стаж од мене :)



И кога веќе решив да пишам, зашто го избрав Каиба? Бидејќи е едно од најоригиналните анимеа што сум ги гледала, почнувајќи од анимацијата, која со себе го повлекува целиот начин на претставување на приказната, но и специфичната нарација, оригиналните амбиенти и неповторливите ликови.

На прв поглед, токму тој оригинален цртеж може и да ве одврати од гледањето на оваа серија. Делува детски и необуздано, чудно. Но баш тоа на Каиба му дава една нова димензија која не сме навикнати да ја добиваме во никое друго аниме.

Иако таговите на anime news network се (adventure, drama, fantasy, psychological, romance, science fiction, thriller) приказната во голем дел е сајберпанк. Додека го гледав, целата атмосфера во длабочината на симболите кои можеа да се наѕрат зад чудните ликови и случувањата ме потсеќаше на книгите на Вилијам Гибсон. Но, кога ќе речам сајберпанк, не мислам на ништо од тоа што ќе ви падне прво на памет кога ќе го слушнете зборот.



Неколку главни линии на целосниот плотлајн:
Мемориски чип, чипче во кое можат да се зачуваат сите сеќавања на некој човек и дури и тој да умре (односно неговото тело) чипот може да се стави во друго тело и тој да продолжи да живее. Користејќи ја оваа можност авторот низ целата серија ни ги префрла ликовите од едно во друго тело, градејќи го нивниот карактер надвор од надворешниот изглед, па дури и независно од првите впечатоци.
Сложена нарација без многу објаснувања. Без предупредување ќе се сретнете со шифтање на хронолошкиот редослед на настаните, а кога на тоа ќе му го додадете и неконзистентниот изглед на ликовите, може да се заклучи дека се работи за типична јапонска сложена приказна, каде што работите постепено ви се откриваат, а целосно ви се разјаснуваат на крај. Јас искрено уживам во приказни кои се раскажани на начин кој ми го размрдува мозокот, така да Каиба ептен ми се погоди.
Социјална тематика. Не би го ставила во сајберпанк само поради технологијата која овозможува целосна модификација на телото, доколку не беше засегната и социјалната театика. Екстремни разлики помеѓу богатите и сиромашните, дистописка атмосфера, подгревачи на револуција...
Романса. Нема добра приказна, ако во неа нема ниту една љубовна сцена, а тек кога љубовта ќе се внесе како ултимејт причина за победа на злото, колку и да е клише ни ги задоволува потребите за здрава катарза.

Накратко да ве воведам. Каиба е момче кое се разбудува на непознато место со потполна амнезија. Единствен клу му е прврзокот што го носи околу врат со блурната слика на една девојка. Ние заедно со него го откриваме тој сосем непознат свет, барајќи го неговиот идентитет, менувајќи различни средини (планети, луѓе и сл.) низ различни тела, од различен  пол, па дури и вид. Приказната постепено ни се одвиткува низ многу различни човечки стории и трагедии во светот на изгубени сеќавања, пазар на тела  и сомнителни револуции, со поместена хронологија и помешани идентитети. Следи една сцена, која е дел од една многу потресна приказна. Воедно можеби и спојлер за тие што решија да го гледаат.



Сè на сè, доколку ја надминете чудната анимација, на која сигурно не се навикнати и на прво гледање ќе ви делува детски и забегано, ќе уживате во едно длабоко и широко патување кое вистински ќе ве однесе на една чудна авантура во еден сосем поинаков свет полн со симболи што потсеќаат на случувањата во нашиот. Топло ви препорачувам да му дозволите на ова оригинално аниме да ги освои вашите срца.

петок, 24 април 2009

Сакура 2009

Исто како лани дојде време за прославата на цветањето на јапонските цреши, додуша со мало задоцнување, но подобро некогаш отколку никогаш.

Поради годинашниот термин на Велигденските празници (токму кога јапонските цреши беа во полн цвет) како и променливото и нестабилно време кое следеше, годинешната Сакура ќе се одржи со мало закаснување и со скратана програма.

Во сабота на 25ти април во 11 часот на истата локација - улица Максим Горки, кај Лондон кафе ќе се одржи годашната прослава на цветањето на јапонските цреши во нашиот град. Со почит кон јапонската култура и естетика оваа година на Сакура фестивалот ќе можете да гледате демонстрација на јапонски боречки вештини: карате до, аики до, џуџутсу, иаи до, кен до.



За најмалите ќе има презентација на вештината оригами, и наши млади претставници ќе се погрижат да го запишат вашето име со јапонски букви. Ве очекуваме во поголем број, заедно да ја прославиме убавината претставена преку будењето на пролетта и природата.

Културната програма ќе продолжи во четврток, 30ти април, во културниот центар ЦК, за чии детали ќе ве известам накнадно.

четврток, 23 април 2009

Мали планети воТокио

Ако се чудите што ли е ова - сосема е „јасно“- метро станицата во Shinbasu, Tokyo.

Ова е еден интересен концепт на фотографија со стереографска композиција и креативно доживување на сопствениот град - во случајот со фотографот со nickname heiwa4126 на Flickr тоа е Токио


Дали можете да го замислите вистинскиот „обичен“ свет? На пример, овој прекрасен калеидоскоп може да го погледенете и вака

Како ли би изгледале планетите на Скопје?

вторник, 14 април 2009

Луди јапонски апликации

После толку романтика и музика на болгов, еве уште нешто „романтично“. Јас лично, потполно се изненадив кога го видов ова, колку е „impersonal“. GPS технологија, овој пат за телефони кои ја имаат таа функција, и тоа..за забележување на згодни девојки или момци.

На пример, сте виделе некого симпатичен пред некоја продавница, сте биле срамежливи да им пријдете, па во апликацијата го запишувате времето, локацијата, и дали било момче или девојче. Да речеме дека е момче. Ако и тоа ја внесе истата информација (дека забележало згодно девојче т.е. вас), телефонот / апликацијата ќе ве извести за тоа, сте се поклопиле, па нема место за срам. Меѓутоа, пазете се, зашто апликацијата ќе ви каже и ако имате ривали за истата личност, на пример, другарката што била со вас.
Апликацијата се вика Hitomebo и е бесплатна. Името доаѓа од Hitomebore што може да се преведе како “љубов на прв поглед“, а апликацијата е дело на компанијата за развој на апликации за мобилни телефони YourMind. Наводно, идеата произлегла од личното искуство на еден од директорите кој упорно тврди дека ова не е апликација за лични контакти, односно dating site, веројатно затоа што во Јапонија постојат посебни регулативи за таквите сајтови.

Момци и девојки, бидете директни! Не потпаѓајте под влијанијата на новите технологии. Секогаш е подобро личен пристап, отколку апликација да ви каже дека си одговарате со некого, верувајте :)

сабота, 11 април 2009

Japanese music REALLY rocks

Морам да се надоврзам на постот на Би со кој целосно се согласувам и воедно со вас да споделам една прекрасна песна, која неможам да престанам да ја слушам последниве 2-3 месеци :)

Flumpool - Hana ni Nare (花になれ)




Lyrics (English):

Breath also dies out along the road loop line
underneath the faded stars and dark sky
I wonder since when I've started looking for
my individuality and the recipe of the way of life

That lost thing called "magnificence"
I'll go get it back, The worn out dream
just as I buried it in the sand in my childhood
I dedicate this song to me 10 years later

Laugh, cry, sing, become a flower
be in full bloom and one day overflow with radiance
No matter how impatient I get, I'll definitely react
without worrying about the future

I called your name so many times it can't be counted
I wonder if you're smiling somewhere
Our voice that we released into the night sky
disappears within the hustle and gently wraps around us

The repeating days have become unpleasant
shall we try shining more splendidly?
Even if blossoms fall, rather than eternally blooming dry flowers
let's become wholehearted cherry blossoms

Laugh, cry, sing, and become a flower
Blossom fully, then one day overflow your radiance
No matter how impatient I get, I'll definitely react
without caring about the future

I called your name so many times they can't be counted
that warmth lingering in the palm of my hand
Our voice that we vowed back then disappears into the hustle
and petrifies in the city that I was in with you

Before I realized it I became scared of getting hurt
Still as a flower bud, I'm always looking for a shining place
tomorrow as well for sure

How far do I need to go so we can laugh together?
Freedom, hope, dreams.. I wonder, are they as wonderful as I think?
Are they glittering as much as I think?
(Holding) the future inside this heart...

I called your name so many times it can't be counted
I wonder if you're smiling somewhere
Our voice that we released into the night sky
disappears within the hustle and gently wraps around us



Линк до одличен сајт кај што може и да го видите текстот и на Јапонски, дури и да си ja пуштите песната на repeat (нешто што неможе да се направи на YouTube) ТУКА.
Официјален сајт на Flumpool: http://www.flumpool.jp

среда, 08 април 2009

Нова сезона на Јапанорама со 5 сантиметри во секунда

Петок, 10 април 2009, Културен центар ЦК, 20.30.часот
Со бавното будење на црешите, полека се враќаме со проекциите на јапонски аниме и играни филмови.

Во новата Јапанорама бр. 11 ќе уживаме на нова локација. Овој пат Културен центар ЦК ги отвора своите врати за новата сезона на проекции. И додека, Јапонците моментално уживаат во ханами, во цутењето на црешите по парковите, храмовите и светилиштата низ Јапонија, ние ќе се обидеме да ви ја претставиме убавината на растењето и животот низ розовите облаци од црешови цветови на нашата нова проекција во Скопје.

Едно од ремек-делата на Mаkoto Shinkai, а веќе ги споменавме She and her cat, и Voices of a distant star (кој го прикажувавме на Јапанорама 6), e и прекрасната драма 5 centimeters per second. Целото име на анимираниот филм е 5 Centimeters Per Second: a chain of short stories about their distance (秒速5センチメートルアチェインオブショートストリーズアバウトゼアディスタンス Byōsoku Go Senchimētoru a chein obu shōto sutorīzu abauto zea disutansu) Опфаќа 3 сегменти насловени како Cherry Blossom (桜花抄 Ōkashō), Cosmonaut (コスモナウト Kosumonauto), и 5 Centimeters per Second (秒速5センチメートル Byōsoku 5 Senchimētoru) со вкупна должина од околу 1 час.

Дејството се одвива околу Takaki Touno, во 90-тите години на минатиот век во Јапонија и раскажува за неговото пријателство и разделба со Akari Shinohara, за нивниот однос низ растењето, проткаено со едно постојано тажно расположение. Дејството е всушност недостаток од дејство, од акција; раскажува повеќе за тоа како светот ги менува луѓето, наместо за тоа како луѓето го менуваат светот.

Анимацијата е, очекувано, фантастична. Рачно нацртаните сцени се доволни да го привлечат вниманието - доволно за да ви ја доловат убавината на животот и емоциите.
Сето тоа надополнето со прекрасната пиано музика на Tenmon.

Како што вели Shinkai, за разлика од неговите претходни дела, во ова нема вклучено ниту sci-fi, ниту фантастични елементи. Се сконцентрирал на прикажувањето на реалниот свет, низ една поинаква перспектива, низ секојдневните борби со времето, просторот, луѓето, љубовта.



Погледнете го трејлерот и деталните информации на ANN

Се надеваме дека ќе бидете предизвикани да дознаете што има всушност брзина од 5 цм/сек. овој петок, во Културен центар ЦК (на ул. Илинденска бр. 38, поранешна Точка, до ИТ маркетот, кај Влада на Република Македонија)

Овозможено од Japan@mk - http://japan.mk во соработка со К.Ц. ЦК

недела, 05 април 2009

Suzuka и Fuji Speedway - јапонските стази во Формула 1

На 27 Март 2009 година (ако се земат в предвид и тренинзите) официјално започна овогодинешната сезона на Формула 1 во Австралија. Но она кое ќе биде од интерес во овој пост се јапонските стази за Ф1, "Fuji Speedway" и "Suzuka", иако Гран При-то на Јапонија за оваа сезона е сеуште далеку, односно е закажанo за 4 Октомври.
Тркачката историја во Ф1 Јапонија започнува во 1976 година, на "Fuji Speedway" , стаза долга 4.563 km, со капацитет од 22.288 гледачи, лоцирана на околу 40 km од Yokohama. Но тркачката "традиција" била прекината веќе во 1977, поради сударот на Жил Вилнев и Рони Петерсон, како и смртта на двајца гледачи кои Вилнев ги "поткачил" со своето Ферари. Инаку, историјата на "Fuji Speedway" започнува во 1963 година, но поради недостаток на средства, било отсатпено од оригиналната замисла за изградбата на стазата според планираното. Подоцна таа преминува во сопственост на "Mitsubishi Estate Co.", поради инвестициите на компанијата во траката. Во 1965 била конвертирана во обичен пат (road course), но поради закосената кривина, била прогласена за опасна, бидејќи на неа се случувале често сообраќајни несреќи. Веќе во 1967 година, стазата е доградена за да се избегнат овие несреќни случаеви, што се покажало успешно, а во '76 започнала првата Ф1 сезона во Јапонија.
По погоре споменатиот несреќен случај предизвикан од Вилнев, Ф1 трките во Јапонија се враќаат по 10 години, во 1987 година, и тоа на 5.807 km долгата "Suzuka", која се наоѓа во Нагоја, а има капацитет од околу 100.000 гледачи. Оригинално била замислена како тест стаза на "Honda", а дизајнирана од страна на John Hugenholtz. Таа е една од поретките стази која има форма на 8 (figure 8 layout), а решението за вкрстувачките интерсекции е во конструкција на соодветен мост (overpass). Како една од најстарите стази на светот, таа била место каде се оддржувале едни од највозбудливите трки, а дури 9 пати на "Suzuka" бил одлучуван и победникот во Формула 1.
По најавата на FIA, на 24 Март 2006, било одлучено во 2007 година "Suzuka" да биде напуштена за Ф1 трки, во корист на "Fuji Speedway" која е во сопственост на "Toyota", но останува да биде стаза на која се одржуваат други тркачки настани. Ф1 трките две години по ред (2007 и 2008) се одржуваа на реконструираната "Fuji Speedway", но на 8 Септември 2007 донесена е одлука "Suzuka" повторно да биде вратена во игра. Бидејќи самата одлука за нејзино исфрлање од Ф1 била дочекана со незадовлство, што од фановите, што од возачите, на кои на многумина таа им била омилена, враќањето на "Suzuka" е дочекано со големо задоволство. Од сега па натаму, стазите ќе се менуваат.
Спонзор на Јапонското Гран При е Телевизијата Фуџи, а на следниве линкови може се информирате за сите Јапонци кои учествувале во Формула 1 трките (прв дел/втор дел), како и преглед на историјатот на јапонски Ф1 тимови во комбинација со нивни возачи . Најбрзиот круг на "Suzuka" го има постигнато Ралф Шумахер во 2001 година, 1 мин, и 14,448 сек, додека рекордот на "Fuji Speedway" датира од 1977 година, постигнат од страна на јужноафриканскиот возач Џоди Шектер од 1мин и 14,300 сек. На "Suzuka"се возат 53, додека на "Fuji Speedway" 67 круга.
Според мое мислење, "Suzuka" е визуелно најатрактивната стаза во светот, мошне комплексна, но и со солидни можности за претекнување.

сабота, 04 април 2009

MyAnimeList.net

MyAnimeList.net е еден од линковите на нашиот блог, десно, под насловот Други Јапонски Сајтови. Тоа е бесплатен портал за аниме и манга фановите. Креиран е од нула за корисниците да имаат брз и едноставен начин да ги каталогизираат своите манга и аниме колекции. Над 13.000 корисници секој ден се вклучуваат на сајтот да ја потпомогнат, дополнат или развијат најголемата социјална заедница на фанови и дата база на аниме и манга. Базата постојано се надополнува, а особено со оние кои се најавени за иднина - одлично за пополнување на Plan to watch/read листата. Базата е креирана и активно ја одржува (со исклучок на проблемите одвреме на време со хостирањето, повторно да напоменам -бесплатен портал!), значи активно ја одржува господин Garrett Gyssler, на MAL познат како Xinil, а заедницата е водена од модератори и корисници од целиот свет.


Сите корисници имаат свој профил, на кој се претставуваат себеси, своите омилени анимеа и манги, карактери од истите и личности - творци, режисери, цртачи, seiyuu (актери на гласовите), автори на музика и сл. Секој корисник има своја аниме и манга листа, во која забележува што гледал/читал, што планира, што оставил за некогаш, а што засекогаш. На листата можете да дадете своја оценка за анимето/мангата, да ставите таг/ознака, да запишете кога сте го гледале, на што сте го гледале (ТВ, ДВД), од коjа fansub група и сл. Можете да пишувате свој блог, да креирате пријателства, да ги споредувате своите аниме/манга листи и компатабилност во вкусовите со пријателите, да ги гледате нивните последни апдејти на листата; да членувате во клубови и разни клупски активности, да пишувате критики, споредби, да разменувате мислења, да читате разни новости од индустријата и светот на анимето и мангата, и секако, да читате и пишувате постови на прилично обемниот форум под најразличните теми. Дури имате и апликација на се’ попопуларниот Facebook, на која вашите пријатели можат да ги видат последните апдејти на вашата листа.

Еве на пример како изгледа страницата на популарниот Death Note

Секое аниме и манга имаат своја страница со комплетни детали за приказната, ликовите, актерите, авторите, слики, критики, препораки, линкови до оригиналните страници, AnimeDataBase, Wikipedia и AnimeNewsNetwork страниците. Секој лик, актер или автор имаат своја страница со краток опис. Вие ја имате таа слобода да додавате манга, аниме, карактери, актери и автори, до модераторите, кои по проверката на веродостојноста ги внесуваат во датотека.


Додека не ја креирате својата листа, а и откако ќе ја креирате, еве неколку примери на листи и профили на некои наши членови: Bi, poljaff, Еден дечко (Sveznajko), Marya (Astartha)... Пробајте, бесплатно е, информативно, а има навистина голем избор на податоци, па и активности. Има голема заедница на фанови од Балканот, зошто да не ја дополниме со нас од Македонија, кога очигледно не’ има многу, нели?

"Never before has it been this easy to share your anime or manga tastes and to discover new series. Welcome to MyAnimeList!"

вторник, 31 март 2009

Hanko 判子

Сигурно имате забележано на некои јапонски слики, обично во десниот долен агол, еден вид на печат. Тоа е hanko или „своерачниот“ потпис кој го користат јапонците.
Ханко за разлика од нашите потписи, кои можат да се направат во вид на печат, има многу поинаква смисла.

Прво, ханко го содржи само вашето презиме, а бидејќи во Јапонија презимињата многу повеќе се повторуваат, можете да си купите готово ханко од продавница специјализирана за ханко. Да бидат работите уште поинтересни, постојат само 5 фонта кои се користат за ханко, а тоа значи дека постои голема веројатност двајца господини Танака да имаат исто ханко. Можеби навидум ова не е некој проблем, но замислете што се случува кога двајцата имаат сметка во иста банка и двајцата подигаат пари со истиот потпис.

Постојат неколку типови на вакви печати кои се користат за различни потреби, а се разликуваат по формата, содржината и бојата на пастата со која се нанесуваат.
Освен Ханко, овие печати исто се познати и под името инкан. Основните типови на инкан во јапонија се следните:

Џитсу ин -'jitsu in' (実印) - е официјално регистриран печат, кој се користи за спроведување бизнис како на пример купување кола, замја и сл, или лични официјални церемонии како стапување во брак и сл. Овие ханко се стриктно пропишани како треба да изгледаат, па јапонците обично плаќаат добра пара за да им се изработи уникатно. Нивната форма е квадратна или правоаголна, никогаш округла.

Гинко ин 'ginko in' - се користи за банкарски работи, подигање пари од банка, земање кредити и сл. Обично имаат некоја специфика во зависност од банката, но најчесто луѓето овие ханко ги прават сами или некој им ги изработува поради тоа што масовно произведените не гарантираат никаква сигурност.

Митоме ин 'mitome-in' (認印) - се користат за потпишување на пратки, сметки, работни документи и слични секојдневни активности во кои не е потребно високо ниво на сигурност. Овие за разлика од другите не се чуваат во обезбедени сефови. Овие се најчесто округли или овални, и тие на повисока позиција имаат поголеми од тие на пониска, но исто така и оние на жанските се помали од оние на машките. Всушност овие печати се оние кои се најпопуларно наречени ханко. Освен овие типови јапонците имаат и лични понеофицијални ханко кои ги користат за потпишување на лични писма и сл.

Гaго ин 'Gago in'- се посебен вид ханко кои ги користат графичките дизајнери и уметниците за потпишување на нивните дела. Го содржат уметничкото име или прекар на авторот, а често нивната декорација може да содржи и некој слоган. Кај овие ханко, бидејќи користени од креативци, нема ограничувања во формата, големината и бојата на пастата со која се нанесуваат.

Владините институци користат специфични инкани, кои се посебно изработени и се разликуваат од личните. Нивната форма е најчесто квадратна или правоаголна и обично се украсени на рачките. Големината им е многу поголема од личните печати.

За користење на секој инкан потребен е сертификат за автентичност, за да може да се кориси истото.

Најпрво ханкото се користело од страна на императорот, па од неговите најблиски вазали, па се проширило на аристократијата, самураите, за во денешно време со напредокот на технологијата да може да го користи секој.

Сега, дури и странците можат да имаат ханко, напишано со катакана хирагана или со канџи.

Ова e една од најчудните и најнепрактични навики засновани на традиција, која модерните јапонци за ништо живо не ја напуштаат. Подетално за ова прочитајте тука.

понеделник, 30 март 2009

Со CO2 до нови и подобрени перформанси на пластиката

Инспирирана од сé поголемата употреба на пластиката во секоја сфера на животот, но и нејзините штетни влијанија, пред сé по животната средина, ги наведува научниците да размислуваат за и да да бараат решенија за изнаоѓање на алтернативи на пластични маси, кои би имале некакви корисни влијанија по истата.



Јапонските научници Хироши Шимизу и Ли Јонгјин на институтот за истражувања во областа на нанотехнологијата (Nanotechnology Research Institute) во рамки на Националниот институт за напредна наука и технологија (National Institute of Advanced Industrial Science and Technology (AIST)) објавиле дека постигнале значаен напредок во подобрување на механичките карактеристики на пластиката, делумно направена од јаглерод диоксид, и тоа во поглед на нејзината еластичност и јакост, со мешање со други пластични маси.



Претходно, полипропилен карбонатот (PPC) кој научниците сакале да го подобрат, не бил особено корисен, и во него биле додавани алифатни полиестри како секундарни и терцијални состојки, како би можеле да му ја контролираат микроструктурата на PPC-то, а CO2 бил само околу 30% од тежината. Како резултат на истражувањето, во институтот е успешно е развиен PPC наречен aлифатен поликарбонат, кој има не само подобрени механички својства, туку и зголемена резистентност на топлина.

Шемата за синтетизирање на пластика од јаглерод диоксид е стара околу 40 години и е откриена од страна на Проф. Шохеи Инуе од Токискиот Универзитет за Наука. Она кое ја ревитализира идејата за PPC е фактот што со негово производство се јавува алтернатива за досега познатата пластика за општа намена базирана на нафта, како што е полиетилен, полипропилен и полистирен. Новоразвиената и подобрена пластика базирана на јаглерод диоксид треба да придонесе кон превенција на глобалното затоплување, како и редуцирање на зависноста од изворите на нафта. Во Кина веќе се изградени пилот фабрики за масовно производство на оваа пластика со пари од државниот буџет. Но пластиката добиена од овие фабрики е далеку од практично употреблива поради лошите механички својства на истата.

Повеќе околу оваа проблематика може да се прочита на сајтот на AIST.

Првата сликичка е молекул на пропилен карбонат, а втората на полиетилен.

Cosplay


Cosplay (jap. コスプレ kosupure) опишува Маскен тренд , кој дојде за време на 90-те со Мангата , Аниме-Бумот од Јапонија до Америка и Европа. Зборот Cosplay е јапонската кратенка од англиските зборови costume и play.

Со Cosplay-от се претставува една фигура што пооригинално преку костимот и односот. Фигурата во тоа може да биде од Манга, Аниме , Видео игра или Филм. Тука може слободно да се шири креативноста и фантазијата без поставуванје граници, за да може костимите на учесниците да бидат од поголем квалитет. Најчесто учесниците во Cosplay-от се меѓу 15 до 25 години.

Исто така се одржуваат и Cosplay натпревари каде учесниците може да се истакнат преку мала драма, песна од серијата или групата што ја претставуваат и многу друго.

Најголемиот Cosplay фестивал е од јапонскиот тв-канал TV Aichi организираниот World Cosplay Summit, кој се одржува годишно во Нагоја и на кој учествуваат Cosplay-ери од целиот свет.

петок, 27 март 2009

Црешов Цвет - Sakura

Црешовиот Цвет (Sakura) е еден од најважните симболи во Јапонската култура.

Секоја година во периодот на цутењето на црешовиот цвет (средина или крај на Март се’ до почеток на Мај) јапонците заедно со нивното семејство, пријатели или колеги се облекуваат традиционално во кимоно и одат на пикник во парк под црешовите дрва.

Црешовиот цвет е симбол на нежната убавина на жената. Затоа, ако во периодот на црешовиот цвет се роди женско дете тоа ќе го носи името Sakura .
edit:
Да се надеваме и на овогодишно успешно празнување на Сакура - јапонскиот фестивал на црешите и во Скопје како и ланската година. Мислам дека сите едвај чекаме да уживаме под јапонските цреши на ул. Максим Горки.

вторник, 24 март 2009

Harajuku - епицентарот на токиската (јапонската) улична мода

Гледајќи ги сликите од Harajuku(原 宿), се добива впечаток дека за момент се селиме во една поинаква димензија, каде она кое е неконвенционално во обичниот свет станува секојдневие. Во претхоните записи, споменав дека Harajuku е моден епицентар на Tokyo, каде за тинејџерите помодарци "is a must" преку викендите... Своето место како моден епицентар е мошне вредно да биде посетено и од страна на туристите, бидејќи тука се наоѓа Takeshita-dori, која се ословува како "тесна уличка која е преплавена со фешнбл тинејџери и бутици и кафулиња". Преку неделата, и не може да се видат сите тие "модни изрази", па ако некој сака да биде сведок на сето тоа, најдобро е да се најде таму преку викенд, како што споменав погоре, а поготово во недела. Посебниот начин на облекување, може да се толкува како обид да се изрази посебноста на секој од тинејџерите, кои се надеваат дека ќе бидат забележани од страна на фотографи од различни списанија. Странските туристи со изнена-дување гледаат на младите "маскирани" луѓе, и тоа особено доколку немаат претходни сознанија за модата и lifestyle-от во овој дел. Варијациите во имиџот кој може да ги фати објективот варираат од Gothic lolita па се до некои варијанти на аутфит под влијание на Visual-kei и Јrock-от, како и т.н. Ganguro, Gyaru, Kogal и kawaii (cute) fashion. Се' на се', еден спонтан Косплеј, создаден од мешавина на бои и стилови, емо фризурки, офарбани во различни бои, со симпатични аксесоари и накит... И најзанимливо е што самиот стил на облекување не е дефиниран од големи брендови, иако самиот стил наметнал големи имиња да бидат производители на облеката и аксесоарите...
На овој клик, како и на овој клик може да погледате некоја фотка плус. Искрено, не сум приврзаник на ј-рокот, т.е. вижуал кеј-от , ама убави ми се на око сите тие девојки и момчиња кои даваат се' од себе да изгледаат поинаку од другите, целокупниот вложен труд и ентузијазам.
На следниве сајтови, пак, може да се најде по некое занимливо парче облека и додадок, како и некоја откачена ташничка, која мене искрено, заедно со печовите, греачите за раце и кратките карирани сукњички ми прават најмногу ќеиф: lolita-kisama, chicki, metamorphose elegant..., candy fruit, babyssb, и т.н.