Hideyuki Nakayama - O House

Текстот е објавен на architect.mk



Современите јапонски архитекти секојдневно изненадуваат со интересни и оригинални решенија со кои се справуваат со малите и тесни локации во пренаселените градови. Еден од последните примери е Куќата О на Хидејуки Накајама, пренагласена и во форма и во простор.



Лоцирана е во прекрасна зона на стариот дел од градот Кјото и е изградена како лепенка на главната двокатна куќа. Волуменот на новоизградениот објект делува како замок или како кула, зависно од аголот од кој ја гледате.

Името го добила по централниот простор околу кој, како синусоида се распоредени просториите на челични платформи на различни нивои и со невообичаени меѓуодноси. За да се стигне до вториот кат на кој се наоѓаат спалните, треба да се пројде низ целиот приземен дел на објектот до почетокот на скалиштето од задната страна кон дворот.
Со тоа се „доаѓа дома“ наместо да се „доаѓа до спалната соба“.

Проѕирниот калкан кон улицата, обработен во стакло, доловува слика на „куќа за кукли“ во која приватноста се контролира со единствена завеса преку двата ката. Со тоа духовито се внесени внатре сликата и животот на градот и изложени кон него активностите во куќата.



Мора да се признае дека архитектот му дал невообичаена шанса на четиричленото семејство на уредникот на dezain.net - Еизо Окада низ секојдневниот живот во овој додаток на куќата, да ја трансформира во простор за живеење и/или во градски простор.

Јапонците на одмор во странство

Овој пат ќе се позанимавам со Јапонската култура на одење на одмор. Јапонците важат како нација која е најмногу “лишена” од годишните одмори. Според една "студија", Јапонците имаат најмал број на денови во годината за одмор, од тие денови користат најчесто само половина, а на годишно ниво во просек користат по само 9 дена одмор, што е далеку зад останатите земји.
По втората светска војна и појавата на јапонското економско чудо, јапонскиот животен стандард доживеа значителен пораст. Линијата на потребите на Јапонците, се согледува во следново: во ‘50тите години, за Јапонците било достигнување да ги поседуваат трите С – senpuku, sentakyu и suihanki (вентилатор, машина за перење и електричен уред за варење на ориз); во ‘60тите, пак, доминирале трите К – kaa, kura и kara terebi (автомобил, клима уред и колор телевизор); додека веќе во ’70тите, во кои се случува и јапонското економско чудо, достигнување биле трите Џ – jueru, jetto и jutaku (накит, прекуокеански одмор и куќа).
Имено, по либерализацијата на прекуморските патувања во Јапонија по 1964тата, по оддржувањето на летните олимписки игри во Токио, бројот на Јапонци кои одат на одмор во странство константно расте, за да достигне некоја бројка од 15 мил до средината на ‘90тите од минатиот век. (ова пред се’ се должи на поволниот курс на Јенот, особено по потпишувањето на Plaza D’accord). Надолен тренд оваа појава доживува во 1997 година, поради рецесијата и слабеењето на Јенот. Веќе во 2000тата има нов рекод, од 17,8 мил Јапонци кои одат на странски одмори, за да во 2001, има повторно намалување на бројот, пред се’ поради терористичките напади во САД.
Според најпоследните статистики, во првата половина на 2010 најмногу Јапонци имаат отидено на одмор во Кореа и Кина, и тоа над 3 милиони. По пола милион јапонски туристи првава половина од годината заминале на Хаваи, Тајван, во Хонг Конг, остатокот од САД и Гуам. Од европките земји, најмногу ги имало во Франција, па Шпанија и Германија. Рецесијата се чини дека нема некое големо влијание врз патувањата на Јапонците во странство, напротив, постојат големи промоции на прекуморскиот туризам во Јапонија.
Наспроти понудата на странските туристички дестинации, самата јапонска влада оди кон тоа да се стимулира земањето на платен одмор, пред се’ за да го подгрее домашниот туризам (а и ради појавата на karoshi;)). Речиси 50% неискористените одмори, според владината калкулација, во случај во целост да се реализираат, би резултирало со 1,5 мил. нови работни места, како и 12 трилиони Јени приходи... но тоа е веќе друга приказна. ;)

Луди јапонски апликации

После толку романтика и музика на болгов, еве уште нешто „романтично“. Јас лично, потполно се изненадив кога го видов ова, колку е „impersonal“. GPS технологија, овој пат за телефони кои ја имаат таа функција, и тоа..за забележување на згодни девојки или момци.

На пример, сте виделе некого симпатичен пред некоја продавница, сте биле срамежливи да им пријдете, па во апликацијата го запишувате времето, локацијата, и дали било момче или девојче. Да речеме дека е момче. Ако и тоа ја внесе истата информација (дека забележало згодно девојче т.е. вас), телефонот / апликацијата ќе ве извести за тоа, сте се поклопиле, па нема место за срам. Меѓутоа, пазете се, зашто апликацијата ќе ви каже и ако имате ривали за истата личност, на пример, другарката што била со вас.
Апликацијата се вика Hitomebo и е бесплатна. Името доаѓа од Hitomebore што може да се преведе како “љубов на прв поглед“, а апликацијата е дело на компанијата за развој на апликации за мобилни телефони YourMind. Наводно, идеата произлегла од личното искуство на еден од директорите кој упорно тврди дека ова не е апликација за лични контакти, односно dating site, веројатно затоа што во Јапонија постојат посебни регулативи за таквите сајтови.

Момци и девојки, бидете директни! Не потпаѓајте под влијанијата на новите технологии. Секогаш е подобро личен пристап, отколку апликација да ви каже дека си одговарате со некого, верувајте :)

Cosplay

Cosplay (jap. コスプレ kosupure) опишува Маскен тренд , кој дојде за време на 90-те со Мангата , Аниме-Бумот од Јапонија до Америка и Европа. Зборот Cosplay е јапонската кратенка од англиските зборови costume и play.

Со Cosplay-от се претставува една фигура што пооригинално преку костимот и односот. Фигурата во тоа може да биде од Манга, Аниме , Видео игра или Филм. Тука може слободно да се шири креативноста и фантазијата без поставуванје граници, за да може костимите на учесниците да бидат од поголем квалитет. Најчесто учесниците во Cosplay-от се меѓу 15 до 25 години.

Исто така се одржуваат и Cosplay натпревари каде учесниците може да се истакнат преку мала драма, песна од серијата или групата што ја претставуваат и многу друго.

Најголемиот Cosplay фестивал е од јапонскиот тв-канал TV Aichi организираниот World Cosplay Summit, кој се одржува годишно во Нагоја и на кој учествуваат Cosplay-ери од целиот свет.

Компактен концепт на живеење

Низ следниве неколку сликички ви го претставувам концептот на куќа-коцка со димензии 3х3х3м. Верувале или не - во 27 м3, Joe Nagasaka и неговиот Schemata architectural office успеале да сместат дневен престој, спална соба, трпезарија, комплетна бања па дури и гостинска соба (hint:вратничката што се гледа на дното на коцката од надвор :)) Тушот, клозетската школка и трпезариската маса „излегуваат“ од подот на куќата.













Идејата е коцката да може да се смести во било која средина - фабрика, планина, плажа. Оригинално и иновативно, во секој случај.

Да промениме нешто (нема врска со изборите)

Нешто ми фалат постови, ми фали активност на блогов, и првото нешто што го начекав а-ла јапонско го закачив. Извините ако не ви се допаѓа, ама дајте малку живо-живо!

Да продолжам со постов :)



Што не ќе измислат... Да претпоставиме дека е поврзано со некое традиционално лекување, или така нешто, чудово е капа за туширање која служи за повторно растење на косата кај оние што почнале да ја губат со годините и сл. Не ми е јасно, ама наводно ја полните од горната страна со топла вода, а „дизајнот“ овозможува ширење на порите на главата и повторно растење на коса (о.О) BTW, капава чини 90$. Се надевам се исплаќа за тие пари. Доброволци?

Link

Bento

Додека истражував на темава добив впечаток, дека покрај познатиот факт дека Јапонците фанатично се посветуваат на работите и нештата што ги прават, тие можат да победат во било кој натпревар за вешта жена кај нас на пример. Посебно кога ги видов уметничките дела што претставуваат еден "обичен" запакуван ручек.

Бенто (弁当 или べんとう) е вообичаено домашно припремен запакуван оброк или единечна порција "за носење" од ресторан, типичен за јапонската исхрана. Содржи ориз, риба или месо и додаток од еден или повеќе видови закиселен или поинаку приготвен зеленчук. Притоа битен е изборот на храната во зависност од пригодата и временското доба, како и боите на храната, а со тоа е нејзината бенифиции за здравјето и расположението на консументот. Како контејнер може да, се користи секојдневна, обична амбалажа од пластика, потоа специјален, тематски lunch-box, па сe до уникатен, лакиран, дрвен контејнер. Колку е поубава кутијата, толку се подобрува и впечатокот за храната.

Еве и малку историја. За прв пат почнува да се прави во 12 век, потоа се популаризира во Едо периодот, кога се користи како оброк за патниците - koshibentō и или makuno-uchi bentō - оброк помеѓу чиновите на кабуки и но, додека во Меиџи периодот започнува да се продава ekibentō - оброк на железничките станици. Во периодите околу Светските војна, бенто е избегнувано, па дури и забранувано во училиштата, заради недостатокот од намирници и поради самиот одраз на богатството на фамилијата на ученикот во кутијата и храната во бенто-то. Бенто повторно добива на популарност во 80-тите години на 20. век, со популаризацијата на евтините пластични кутии за ручек, појавата на продавници за додатоци и декорации. И денес најчесто го практикуваат работниците, патниците и учениците.

Интересни се исто и контејнерите за бенто, денес ги има најчесто пластични - класични, практични или тематски - за секого понешто. Ретко се среќаваат домашно припремени бенто, и тогаш правилото би било да се заштитат и носат во furoshiki која ќе служи и како торба и како чаршаф за на маса (среќа ваша што Би објасни пост порано за furoshiki, па можам да се опуштам и да привршам со излагањето)

Еве неколку интересни сајтови за бенто, за оние кои ќе се одлучат да пробаат сами да прават вакви порции
AnatheRed's bento factory..
Adventures in Bentomaking
Cooking cute (нема да им замериме што некои од овие мајстори се Американци)

Или livejournal entries на Mushmo, Bentolunch или Bentochallenge
(ммм.... ми текна уште еден супер настан за групава, т.е. ќе беше супер ако некогаш се одржеше и cosplay... оh well, се со време, прво нека се активираат малку авторите)

Или можеби ќе ви биде интересно ова тематско бенто
Bento album covers - (freaky...по мој вкус) или пак сликичкиве од празнични честитки во храна

Но најмногу, искрено, ме изненади овој блог на една, неверојатно уметнички талентирана и посветена јапонска домаќинка, која се релаксира правејќи бенто секое утро за својата фамилија, а се лути кога нејзиниот син неблагодарно ја полни устата во рок од 10 секунди со прекрасно и грижливо приготвената храна. Срам да му е на неблагодарниот син! Секој би сакал бар да проба вакво нешто, нели?

Покрај сите овие сликички, на Flickr можат да се најдат илјадници примери, и лични и пријателски натпревари во поубав или побогат или пооригинален бенто. Јас, искрено, го посетив мојот фрижидер после овој пост во потрага по инспирација, поточно по "љубов" за моето распеано стомаче.

Палома пет денари?

Во Јапонија е се скапо и нема скоро ништо бесплатно, но за „паломи“ нема зијан. На секое пофреквентно место се делат пакетчиња хартиени шамивчиња со реклама на нив. Добра замена за флаери кои се бескорисни. Имам и кутија за „паломи“ домашна изработка. На домашниот буџет не ми влијае многу, но е добро чисто за утеха дека освен воздухот има и нешто друго „гага“.