вторник, 10 март 2009

Таа и нејзината мачка

Пред повеќе од пола година, на сред работно време, еден добар пријател ми испрати линк до филмчево. Тие 5 минути се премалку за да сметаме дека би ни одзело нешто од нашето драгоцено работно време, а во случајов носат со себе толку убави моменти, за кои стварно се запрашувате дали е возможно сите да се концентрирани во тој временски период.

She and Her Cat (彼女と彼女の猫 Kanojou to kanojou no neko?)



Makoto Shinkai со својот оригинален стил, на некои познат од неговите дела "Voices of a Distant Star" (кој го пуштавме на една јапанорама), "The Place Promised in Our Early Days" и прекрасниот "5 Centimeters per Second", започнал токму со ова парче, кое е чиста поезија раскажана со филмски јазик. Носталгичноста и раскажувањето се присутни во сите негови дела, и секогаш успева со своите слики да нè вовлече во една состојба блиска на сон, но толку многу реална и полна со емоции блиски до сеќавањето на детските чисти фантазии.

Овој краток филм е уште поинтересен, зашто е изработен монохроматски и поради тоа многу потсеќа на реален неанимиран филм, а во исто време целата атмосфера, мекиот глас кој раскажува, звуците од секојдневните активности, црно белите слики што се надополнуваат една со друга оцртувајќи го целосно кругот на промената и текот на времето се исполнети со убавина, која во толкава мера може да се наоѓа само во очите на набљудувачот.

Препорачувам да ги гледате и другите негови филмови, а можеби на некоја следна јапанорама ќе го прикажуваме „5 сантиметри во секунда“. А целосниот транскрипт на овој филм, доколку ви бега титлот при гледањето, може да го прочитате тука.

5 коментари:

Еден Дечко рече...

Поадекватен наслов би бил - Нејзината мачка и Таа :)

Bi рече...

Ова нешто како јода се трудиш да звучиш? :))

На јапонски е "Kano jo to kano jo no neko"
Kano jo - таа
to - i
kano jo no - нејзина (но значи присвојност)
neko - мачка

Мислам дека ми е добар преводот ;)

Еден Дечко рече...

*Спојлер*
Па и онака приказната е раскажана од перспектива на мачката , It`s only natural таа да е „lead subject“ :)

Bi рече...

Е па не мислиш ли дека, токму поради тоа да не открива, подобро е да оди вака :)

Еден Дечко рече...

Не мислам :))