Japan@mk

НХК 17 епизода

2012-02-10T13:03:00.002+01:00

Здраво на сите. Ви ја претставуваме новата епизода на „Добредојдовте во НХК“. Овој пат тука ги имаме Love хотелите (не го врзуваме за Валентин), кои се специфични за Јапонија и претставуваат повторно една критична точка во функционирањето на јапонското општество. Критиката тука повторно е насочена кон празнината која луѓето сакаат да ја пополнат со правењето неразумни работи и неможноста таа толку едноставно да исчезне.
Може да ја прочитате на нашиот манга читач на овој линк, или да ја симнете во pdf тука.
Оваа епизода е спремна скоро два месеци, но обично одевме со распоредот однапред, односно имавме неколку епизоди спремни за да може да го фаќаме секој петок со нова епизода во 13 часот. Но како што забележавте, не ни оди баш најсјајно после паузата. Тимот е некако размекнат и не се турка :) 18 е преведен, исто одамна, ама ни фали тајпсетер. За 19 и натаму ни фалат преведувачи, само чистачите најдобро и најбрзо си ја завршуваат работата, па го имаме цел том ичистен.
Затоа ве повикувам сите, кои сакате сканлацијата на оваа манга да продолжи да ни се придружите во групата. Преведувачи и тајпсетери секогаш се добредојдени. Доколку не успееме, овој наш проект ќе остане недовршен. Но, ако имате желба за некој друг сканлациски проект, групата е тука. Слободно споделете ваши желби за работа. Сепак, како љубители на јапонската култура, убаво е да пробаме да се огледуваме на нив во навиките за напорна работа и постигнување на успех, и да не потпаѓаме кон македонската меланхолија и апатија на неработење и неуспех.

EDIT:
Направивме и cbz верзија, за секој случај ,)

NHK се враќа дома

2011-12-16T13:00:00.007+01:00

После летната пауза која стигна до зима, Манганација се враќа со нова епизода на сатиричната манга серија „Добредојдовте во НХК“.

Тие што читаа до сега се сеќаваат дека серијата го следи животот на еден хикикомори Сато Тацухиро. Тој е човек на околу дваесетина години, повлечен од социјалниот живот и општеството, затворен во својот дом без никаква визија за себе и својата иднина. Го напуштил факултетот и живее со позајмици од родителите, кои и самите запаѓаат во криза, ја лажи мајка му дека има девојка и работа, а со својот отаку комшија Јамазаки, кој е слично толку забеган, си замислуваат дека ќе направат еротска видео игра, од која ќе заработат многу пари. Тука е и девојката Мисаки, која ги избегнува училишните обврски и се занимава со „лекување“ на болеста на Сато и повозрасната соученичка на Сато Кашива семпаи, која е зависна од лекови за смирување.

Авторот преку различни доживувања на главниот лик Сато низ различни епизоди на серијата не запознава со болестите на јапонското општество и замките во кои паѓаат младите луѓе нарачени NEET (не работат, не се едуцираат и немаат друга обврска). Така што се запознаваме со различни општествени појави и девијации, претставени на комичен и саркастичен начин: хикикомори, отаку, лолита комплекс, интернет самоубиство, зависност од компјутерски On-line игри со играње на улоги (MMORPG), задолжување преку мултилевел продажби базирани на измама и т.н.

Се надваме сека серијата ви се допаѓа и дека ќе продолжите да ја читате, па ви ја претѕставувме новат епизода 16, со почеток на нов том и нови доживувања на Сато и неговите „пријатели“.

Читајте ја новата епизода on-line тука, или симнете си ја во pdf или cbz верзија од Magaupload.
За тие што не читале до сега, сите досегашни епизоди може да се најдат тука.

Светот на несамураите

2011-12-12T21:33:00.000+01:00

Сите ние кои читаме манги досега сме имале можност во нашите раце(или пред нашите монитори) да ни се најде најмалку една манга со приказна од одреден период од историјата на Јапонија,а тоа воглавно е Едо периодот.Нормално во таквите приказни централни ликови се самураите,прикажани во сета нивна благородност и чест(Rurouni Kenshin),одмаздништво(Lone wolf and cub) или извитопереност(Shigurui).Сакам самурајски манги,некои од нив ми се меѓу најдобрите што сум ги прочитал како Rurouni Kenshin и Shigurui,но како што не е убаво секој ден да јадеш едно исто така испадна полека да губам интерес за овој жанр,прашувајќи се дали во Јапонија има дела со приказни за историски настани кои не се случуваат во Едо периодот и опфаќаат некоја друга земја.Одговорот дојде од Макото Јукимура,авторот на Vinland saga,еп за освојувањето на средовековна Англија од викинзите,добитник на наградата за најдобра манга на Japan Media Arts awards во 2009 г.Ова признание покажа дека има автори кои посветуваат внимание на историски случувања кои не се дел од јапонската историја,само што се запоставени од издавачките компании од западот па се популарни само во земјата на изгрејсонцето.Па,кои личности и настани им се мили на јапонците за да ги овековечат со мастило на хартија?

Kingdom(Кралство).Сместен во 245 година пред новата ера во Кина за време на периодот на завојуваните држави Kingdom е приказна за две момчиња,Шин и Пјао кои за живеачка слугуваат на едно семејство откако и обајцата ќе ги изгубат своите родители во војната.Еден ден додека спарингуваат со дрвени мечови ќе добијат посета од Венџун Ченг,министер во служба на принцот Шенг,иден владетел на државата Ќин.Ченг доаѓа со намера да го земе Пјао и да го вработи како воено лице,но само Пјао смее да дојде,а Шин останува кај своите господари.Еден месец подоцна Шин ќе го најде Пјао во својот двор,смртно ранет.Пјао му вели дека почнал државен удар против принцот и пред да умре бара од Шин да оди во соседното село Кокухи.Со солзи во очите Шин ја извршува последната желба на Пјао и стигнува во Кокухи каде е пречекан од бандити и професионално обучен асасин кои лесно ги победува.Кога ќе влезе во назначената куќичка Шин ќе се шокира кога ќе го види Пјао жив,но тоа е всушност принцот Шенг.Шенг му објаснува дека неговиот помал брат стои зад државниот удар,а Пјао глумел негов двојник за да го заштити принцот од евентуален атентат и бара помош од Шин по што Шин немајќи каде да оди му се заколнува на верност на принцот,не знаејќи дека од тој момент оди по пат кој ќе го доведе до тоа да стане еден од најголемите генерали во историјата на Кина.

Kingdom по опис на baka updates спаѓа во сеинен категорија,но по прочитаните први 7 поглавја(толку се преведени во моментов) има шмек на шонен манга.Прикзната почнува со мечтаењето на двајцата најдобри другари како најдобри кинески генерали,борбите се малку нереални,но не во смисла на претерувањата кои ги гледаме во шонените и дефинитивно не се правени по теркот на Hero,Crouching tiger итн,за сеинен наслов делува благ кога е во прашање бруталноста-некои шонени лесно го надминуваат по тоа прашање(Shingeki no kyojin како очигледен пример),некои од непријателите имаат непропорционална телесна форма,како и неизбежниот comic relief,поточно дете кое го запознаваме следејќи го Шин до Кохуки,давајќи поведар и авантуристички тон на ова долго патување.

Но оваа проценка се однесува само на почетокот,а почетокот ветува многу.Читатели кои се разбираат во канѓи најавуваат дека Kingdom изобилува со борби од епски размери,политички интриги и личности кои ќе остават значителна трага во историјата како генералот Сун Цу,писателот на "Уметноста на војувањето".Ваквите новости се охрабрувачки за оние кои не се разбираат во канѓи и се надеваат дека оваа манга нема да биде напуштена од scan тимовите.Kingdom излегува за Shonen jump magazine од 2006 година и има 23 книги.

Wolfsmund(Волчја уста).Швајцарија,14 век од новата ера.Период во кој кантонските области Ури,Унтервалден и Швајц се под контрола на Австрија и нејзиниот војвода Леополд.Народот во кантоните се бори за својата слобода организирајќи бунтови и востанија.Настаните се случуваат во мало место наречено Волчја уста,контролен пункт сместен во Швајцарските Алпи на денешната австриско-италијанска граница.Секој кој сакал да помине од Швајцарија во Италија и обратно ќе морал да помине низ тој пункт,а за тоа му требало одобрение за премин од управникот Волфрам.Управникот на прв поглед е мирен,сталожен и добро образуван човек,но под сите тие манири се крие лукав и доста вешт водач,надлежен да се погрижи ништо сомнително да му помине пред очи.Благодарение на Волфрам многу бунтовници се фатени и егзекутирани на лице место,а писма со информации витални за востаничкото движење пресретнати.

Оваа манга е несекојдневна-секое поглавје има различни протагонисти кои сакаат да ја поминат границата,се објаснува нивната позадина по што сочувствуваме со нив,прикажана е нивната доблест па навиваме да минат сигурно и безбедно само за на крај да бидат надушкани од управникот и нивните животи насилно одземени.Нашиот главен јунак е Волфрам кој не е јунак,не е ни антијунак во стил да прави нешто недозволиво ама се соочува со морални дилеми или внатрешна борба ала Кира од Death note,ова е негативец во права смисла на зборот-тип чиј дневен распоред вклучува рутинирано разоткривање на непријателите на Австрија и нема морал или сомнеж кој го спречува во тоа.Wolfsmund е нова манга,авторот е Мицухира Куѓи и не е изненадувачки што дебитира со приказна за средновековна Европа кога ќе дознаете дека работел како асистент за Кентаро Миура(Berserk).Само да се надеваме дека нема да застрани како Миура за времето на издавање на поглавјата.

Historie(Историјат).Александар Македонски во манга?It's more likely than you think.Комплетно направена од Хитоши Ивааки,популарен мангака на научнофантастични хорори(Parasyte),ова е негова прва манга од поинаков жанр.Додушa Historie иако е сместена во античкиот период Александар и Филип имаат споредни улоги;sвездата во оваа приказна е Еуменес,момче израснато во едно од најбогатите семејства во Кардија чија судбина се менува преку ноќ со убиството на татко му,по што ќе биде обвинет за неговата смрт,а семејството ќе му го заврти грбот.Казната е ропство,но кога го пренесуваат во еден брод,бродот ќе биде уништен во бура,а само Еуменес ќе биде спасен од жителите на едно рибарско село.После две години Еуменес се враќа во Кардија само за да ја види опколена од македонската војска.Применувајќи неколку умешни трикови за да влезе во градот тој ќе го привлече вниманието на еден едноок трговец кој му нуди работа.Еуменес прифаќа и трговецот го носи во македонскиот камп каде го открива својот идентитет-пред него гордо исправен стои Филип Втори Македонски,кралот на Македонија.Еуменес наоѓа свое место покрај Филип како негов секретар,а подоцна и како генерал на македонската војска.

Најдоброто нешто во Historie е нарацијата.Вметнувајќи детални објаснувања од античкиот свет како тогашната филозофија,откритија,општествени и политички односи единственото нешто што може да смета е бавниот развој на приказната.Historie излегува веќе 8 години,а објавени се само 6 книги,па малиот број книги е главна причина зошто Historie не е позната надвор од Јапонија освен ако активно ги следите актуелните случувања на манга сцената.За подобро упатените во историјата приказната прогресира до моментот кога Филип веќе трга кон Атина. Друг downside-Ивааки се согласи да работи на нови поглавја на Jack Black,докторската икона на Осаму Тезука,па не е сигурно колку ќе претрпи Historie од ваквиот развој на настаните.

Vinland saga(Винландска сага).Ова е можеби моето најомилено историско дело во манга пакување.11 век,време кога Европа се најде под страшна закана од северот.Французите ги нарекуваа норманци,англичаните ги нарекуваа данци,византијците ги нарекуваа роси,но тие се нарекуваа викинзи.Ова е приказна за Торфин,млад човек кој плови на бродот на итриот заповедник Аскелад и под негова команда одат на места каде можат да се борат и пљачкаат богатства на непријателот.Торфин има поинакви мотиви за ова патешествие од Аскелад;имено Аскелад ќе го убие татко му,славниот Торс,џинот од Јомск;и се што сака Торфин е да се одмазди во име на таткото.Аскелад секогаш му дава шанса за двобој во која Аскелад победува од искуство.Но Vinland saga иако е приказна за одмазда,сепак е мала во споредба со тоа што следува.Кралството Данска ги обединува викинзите во напор да ја освои Англија,а на Аскелад му е доверена должноста да го штити принцот Кануте,еден од можните наследници на данскиот престол.И тоа е моментот кога од перспективата на Торфин навлегуваме подлабоко во светот на викизните,нивната традиција и обичаи,нивните верувања и богови,зачетокот на христијанството во Скандинавија,борбата за престолот и откривањето на ново копно кое викинзите го крстиле Винланд,а кое денес го знаеме како Америка.

Комплексниот свет на викинзите е одлично одработен,но за мене тоа што го чини Vinland saga е Аскелад.На почеток ќе помислите како Аскелад е обичен лош тип кој заслужува гушкање...со јаже...околу вратот,но поглавјата за неговата личност и минато се така добро распоредени и вклопени во дејството да Аскелад стане најдобриот антијунак во едно манга остварување.Немам намера да откривам детали,за да дознаете повеќе трк до вашиот омилен манга сајт оти оваа манга исто како и Historie можете да ја најдете само во оригинално јапонско издание.

The left hand of God,the right hand of the devil

2011-10-27T21:37:00.001+02:00

Манга
Левата рака на Бога,десната рака на ѓаволот
Пишува:Казујо Умезу
Црта:Казујо Умезу
Жанр:Хорор,натприроден трилер,мистерија,сеинен

Пред да ја започнам рецензијава запознајте се со Казујо Умезу.Ова необично човече кое секогаш носи маица со црвено-бели пруги(има илјадници вакви маици и не,не е навивач на Црвена Sвезда) за лежерниот манга читател надвор од Јапонија не значи нешто,но во Јапонија ако прашате било кој ќе добиете одговор дека човеков има статус на легенда и бог.Зошто?Како што Осаму Тезука е запаметен како таткoто на мангата така и Умезу има оставено свој белег како таткото на хорор мангата.Роден на 03.08.1936 година во Префектурата Вакајама неговото семејство се сели во едно мало градче сместено длабоко на планините на Префектурата Нара,каде татко му секоја ноќ пред спиење го заплашувал со приказни од локалните легенди за змијолики жени,зли духови и метаморфозни души,нешто што ќе му послужи како главна инспирација во творењето манги.На 19 години ја објавува својата прва манга Mori no Kyodai(Деца во шумата),своеврсна верзија на Ивица и Марица.Подоцна се впушта во светот на новоформираното андерграунд движење на гекига мангите(манга која ги отфрла детските карактеристики за да ги замени со доста повозрасна содржина како noir,hard sci-fi и horror).Неговите манги со мрачна тематика и често зачинети со натприродни елементи ќе му станат препознатлив заштитен знак и на таквиот стил му останува верен дури и кога ќе почне да црта и пишува манги за shoujo публика.

Голем успех забележува во седумдесеттите со The drifting clasroom,во која се раскажува за Такамацу Шо и неговата борба за преживување откако тој со соучениците и наставниците ќе бидат отсечени од остатокот на светот после еден катастрофален земјотрес.Отворајќи си ја на овој начин вратата кон бесмртноста во манга светот и меѓу своите читатели,својот статус на легенда го зацврстува со 14 years,Reptilia,The left hand of God,the right hand of the devil,подоцна инспирирајќи многу манга автори како Ѓунѓи Ито(Gyo,Uzumaki),Хитоши Ивааки(Kiseijuu) итн.Да докаже дека неговата креативност не е ограничена само на полето на мангата во седумдесеттите го издава својот прв музички албум Yami no album(The darkness album) каде е комплетен автор изведувајќи концерти во живо низ целата држава(во моментов е пејач на 3 различни поп бендови).

Во 1995 г. мораше да се повлече од својата кариера како мангака поради теносиновитис,но тоа не го спречи својата енергија да ја канализира во музичката индустрија,телевизијата и филмот(секогаш пишува сценарија за филмски и сериски проекти базирани на негови дела и добива улоги во истите).

Неодминлив податок:Пред 2 години си изгради куќа во областа Кичиѓооѓи,Мусашино сити,предградие во Токио.Куќата е правена по негов вкус и е многу необична и се вика Makoto-chan house.Неговите комшии негодуваа за време градењето на куќата,а подоцна го тужеа пред суд поради нејзиниот вознемирувачки изглед.За голема жал на хејтерите Умезу го доби спорот.

За престојната Ноќ на вештерките во овој текст посебно внимание има Левата рака на Бога,десната рака на ѓаволот.

Приказната почнува со две деца,девојчето Изуми и нејзиниот помал брат Соу како спијат во својата соба додека надвор има јака бура.Изуми се буди со голема главоболка и почнува да плаче.Болката се засилува и од очите на Изуми и излегуваат ножици.Ова сепак е само кошмар на Соу од кој навреме се буди.После кратко време некој им тропа на прозорецот,а тоа е една од другарките на Изуми,која и кажува дека бурата ја збришала куќата на нивниот наставник Нори и ја вика да дојде за да видат што точно се случило.Кога доаѓаат на самото место гледаат како куќата ја нема,а се што останало е добро вкопаниот подрум.Изуми го тера Соу да се симне долу и да го испита теренот како казна што ги следел наместо да остане дома.Исплашен и тресејќи се од студ Соу полека навлегува во подрумот.Сопнувајќи се од еден пар зарѓани ножици ќе падне врз детски череп по што бега од местото како ѓавол од крст.Безбедно се враќа дома,како и сестра му,но тој не знае дека Изуми со себе ги носи ножиците од подрумот.Соу се враќа на спиење и сонува како го гледа новиот наставник кој ќе го замени Нори како разговара со мајка му за трансферот во новото училиште.Полека се врти кон Соу само за да види дека лицето му е деформирано и без уста,нос и очи.Следното утро Соу и Изуми одат на училиште и се однесуваат како да ништо не се случило.На првиот час директорот го запознава класот со новиот наставник.Изуми ја има честа да му врачи букет рози како знак за добредојде.И само што ги предава и се лоши и паѓа на подот.Превиткувајќи се во голем бол децата трчаат по училишниот лекар кој само што пристигнува станува сведок на нешто надвор од секаква логика-Изуми повраќа кал,толку многу што за кратко време поплавува пола училница.Децата се исплашени до смрт,а само Соу се прибира доволно за да им помогне на возрасните да ја однесат Изуми во болница.Неколку другарки на Изуми се решаваат да ја посетат,а во чекалната ги пресретнува расплачениот Соу кој им покажува дека Изуми не само што не е стабилизирана,туку нејзината состојба преминува од бизарна во надвор од овој свет кога им ги покажува седумте детски скелети што Изуми ги поврати од својата уста.До овој момент си мислев дека Умезу само си игра со читателот и кога тогаш ќе се појави некој да каже "ова е само сон" но децата,докторите и останатиот персонал не сонуваат ист сон ниту страдаат од халуциногени наркотици,ова навистина се случува.Овој кошмар излезен од вонбрачното дете на Exorcist и Alien нема крај-Изуми од системот исфрла безбол палка,безбол топче,неколку робот играчки,трицикл и весник.Една од медицинските сестри ќе ја види насловната страна на весникот каде стои вест објавена пред 30 години за сериски убиец кој користел ножици како свое оружје и грабнувал мали деца чии тела никогаш не биле пронајдени.Соу верува дека ова е знак за враќањето на убиецот и се сомнева дека новиот наставник има некаква врска со настанов;и заедно со другарките на Изуми трагаат по вистината.Ова е само почетокот...

Умезу уште од самиот старт ги отвара картите и веднаш не фрла во дувлото на sверот;нема лесен почеток,нема вообичаено запознавање на ликовите,за нивните навики и начин на живот кои по обичај се опишувани пред "почетокот на бурата" во повеќето хорор дела;едноставно нема простор и време кога ти се случуваат нешта кои веднаш би те шизнале на место.Приказната е повеќе во стил на бизарна хорор истражувачка авантура бидејќи целото дејство е гледано од очите на малиот Соу наместо вообичаениот протагонист да биде возрасна личност.Темпото е доста динамично и ослободено од филери,затоа народе немојте да прескокнувате страници ако ова ви е на read list.

Клучниот столб на кој се потпира "Левата рака на Бога" е атмосферата.Било да сте штотуку навлезени во хорор жанрот или сте веќе хард кор хорор фан на кој му е здосадено од веќе видената "црнецот секогаш го папа и плавушата се качува горе наместо да оди по колата и го папа" шема Левата рака на Бога може да ве внесе во фазон да почувствувате страв,да чувствувате тензија и напнатост како да следите високоадреналински трилер ако не сте до толку исплашени или цело време да викате WTF is this во случај ако и ова не може да ве изненади.Во секој случај нема да ве остави рамнодушни.Уште една карактеристика:секоја секција по хорор филинг варира по желба на авторот.Во една книга знае да претера со пролевањето крв и грозоморноста ала Клајв Баркер,за во друга книга драстично да го смени тонот како психолошки мајндфак а да не се пролее капка крв.

Кон сето ова одлично се вклопува цртежот.Кадрите се филмски и даваат чувство на тензија и неудобност(сцените со ножици кои распараат детски очи не можат да ви ја дигнат косата?Не грижете се,има други нешта кои можат тоа да го предизвикаат,и кришум чекаат зад секоја страна).Мала забелешка е претераната сконцентрираност на мастило на секој кадар,правејќи го цртежот доста "масен" но сепак е мал проблем кој може да се стави настрана.

Во сушниот период за хорор филмови,кога Jason,Jigsaw и Freddie Crueger се филмската верзија на рециклирањето на Super Mario игрите,а Вес Крејвен и Роб Зомби од немање идеи се повикуваат на стара слава добро е да се најде алтернатива во облиците на Kiseijuu,Gyo,Cat diary,MPD psycho и други хорор манги.Уште подобро е да се следат нивните траги кои водат до "изворот на злото" и мастермајндот позади него,нешто што ми ја врати вербата дека таму некаде сеуште постојат хорори со првобитната идеја да те исплашат,а не да заморат.

Хорорљупци,навалете!

Pluto

2011-09-30T17:00:00.000+02:00

Манга

Плутон
Пишува:Наоки Урасава,Осаму Тезука
Црта:Наоки Урасава
Жанр:Научна фантастика,детективски трилер,сеинен
Издавач:Shogakukan
Списание:Big comic original
Година на издавање:2003

Управникот:Детективу.....вие сте робот?
Гешихт:Да.
Управникот:Пффт,дојдовме до тоа да не можеме да разликуваме робот од човек.
Гешихт:Има едноставен начин да се идентификува робот.
Управникот:Стварно?По што?
Гешихт:Ние не правиме непромислени работи.

За да ја почнам оваа рецензија,морам да ги запознаам оние кои сега првпат слушаат за Осаму Тезука "богот на мангата".Тезука е првиот мангака,автор е на доста познати класици како "Black Jack","The phoenix","Kimba the white lion","Buddha" и "Astroboy".Последново испадна негова научнофантастична верзија на Пинокио за авантурите на Aтом,момче робот кое мирно коегзистира со луѓето и ги штити од зли роботи и вонземски освојувачи.Во 2003 година,најдобриот автор на психолошките/напнатите трилер манги Наоки Урасава се реши да го преаработи "Astroboy" по негов терк.Со позајмување на неколку ликови и концепти,Урасава го направи zа "Astroboy" тоа што Роналд Мур го направи за "Battlestar Galactica" или Кристофер Нолан за "Batman:The dark knight",трансформирајќи една весела детска авантура во мрачен трилер.

Созревањето на едно дете

Во Швајцарија е прогласена тридневна жалост поради свирепото убиство на Мон Блан,робот чувар на еден од националните паркови на Швајцарските Алпи.Истрагата за убиството му е доверена на инспекторот робот во хуманоидна форма Гешихт,припадник на германскиот детективски огранок на ЕУРОПОЛ.На местото на злосторството има само една трага-на главата на Мон Блан се поставени рогови.Во Шкотска,воениот робот Север #2 за првпат се вработува како цивилен работник,како батлер во служба на композиторот Пол Данкан.По некое време,недалеку од замокот се формира бура,а Север #2 насетува дека бурата е нешто повеќе од тоа и оди да провери.Од неговото тело не останува ништо,а на местото каде беше бурата стои карпа во облик на глава со рогови.Гешихт бара помош од роботот криминалец Брау 1589 кој поради убиство на човек својата казна ја издржува во посебно затворско одделение.Роботот му открива дека роговите на жртвите го симболизираат Плутон,римскиот бог на смртта и го предупредува Гешихт дека убиецот за своја цел ги има членовите на "големата седумка"(најсилните роботи на светот,учесници во 39-тата Блискоисточна војна),меѓу кои спаѓа и тој.

Се прашувате зошто го ставив зборот "убиство" наместо "уништување" кој би бил поприкладен за насилна смрт на робот.Одговорот лежи во коренитата промена која го има зафатено футуристичкото општество-роботите не се бесплатна работна сила обврзана да се покорува на трите закони на роботиката од Исак Асимов(1)Роботот не смее да повреди човек или преку недејствување да допушти повреда на човек;2)Роботот мора да ги почитува сите наредби што му ги дава човек,освен оние наредби кои се во спротивност со првиот закон;3)Роботот мора да го штити својот живот се додека таквата заштита не е во спротивност со првиот и вториот закон).Тие ги уживаат правата и слободите како и секој човек,од најосновните па се до правото за основање семејство,заработување плата за својата работа и годишен одмор.Се поголем број од нив се одлучува да добие фацијална промена која ќе му овозможи почовечки изглед,а за уште попродлабочено бришење на границата природна-вештачка свест имплантираат емотивни чипови кои им овозможуваат да чувствуваат тоа што и ние чувствуваме.

Но доста со политичко-правниот аспект.Наместо вообичаеното "роботот добива самосвест и се бунтува против своите креатори" или "човекот сурово ги експлоатира роботите" Pluto дава поинаква димензија на односот човек-робот и ретка прилика да прочитаме приказна каде роботите разбираат работи како сочуство,љубов,милост и даваат се од себе,преку алтруистички дела да го направат светот подобро место за живеење,а поголемиот дел од товарот паѓа на плеќите на дел од роботите од "големата седумка".

Учествувајќи во 39-тата Блискоисточна војна на страната на Соеднинетите Тракиски Држави под изговор дека во Персија се кршат правата на роботите и се произведуваат роботи за масовно уништување(политичката позадина нескриено алудира на Американската инвазија на Ирак во 2003 г.),"големата седумка" го искусува ужасот на војната,колку и да се трудат не можат да ги избришат спомените од илјадници нивни мртви соборци и роботи кои биле подложни на експерименти од непријателот и наместо електрични овци сонуваат кошмари.Нивното искуство со тоа што значи да си обземен во виорот на војната ги тера да направат промена од 360 степени(Мон Блан го посветува својот живот на чување на природата,Север #2 од најдобро вооружениот робот преферира да не се бори повеќе и поминува доста време усовршувајќи го свирењето клавир кај господар Данкан).

Разликите во пристапот кон Astroboy/Pluto кај Тезука и Урасава е видлива и кај цртежот-Тезука е пионер на мангата и творецот на карикираното прикажување на ликовите со големи очи,тенки вратови,преедноставен дизајн и сето тоа личи наивно и детски и веројатно за поновите генерации манга публика тоа би ги одвратило од понатамошно читање.Урасава од друга страна го тера својот стил од Monster-едноставно,но реално портретирање на ликовите,секој од нив со карактеристична црта,а стрип кадрите се флуидни и даваат филмски тон.

Додека ги пролистував страниците имав впечаток дека го читам Blade runner во стрип издание.Роботите како што наведов имаат изборено свое место под сонцето,но и понатаму се чувствува дискриминација(на секој јавен објект се поставени пунктови за раздвојување на луѓе и роботи,незадоволни и гневни граѓани создаваат анти роботски групи по урнекот на американската ККК).Приказната е детективски noir,со бавно темпо и одлична атмосфера.Признавам,Гешихт не е Декард и иако е робот не е робот во смисла да работи рамодушно како што би работела обична машина,со него ќе доживеете доста tearjerking моменти,а сцените каде вози по улиците на мегалополисите на Еврофедерацијата,испрашува сведоци,бара докази итн.,сето тоа фино надополнето со локации низ Персиските сламови,Амстердам,Токио,Истанбул,Берлин,Австралија,Грција и Швајцарија во својот футуристички лик прекрасно се вклопува со музиката на Вангелис за истоимениот филм.

Pluto пријатно ме изненади.Барајќи добра научнофантастична приказна,наидов на нешто што го разбуди топлото чувство кога ќе се потсетам на стариот добар шмек на sci-fi филмовите од осумдесеттите,вметнувајќи ретко искористени теми од манга која датира од пеесетите,но чие ехо сеуште се слуша.Дефинитивно манга која по својот успешен спој на цртеж,дијалози,дејство и ликови не можам да најдам ама баш никаква замерка.

ПС:Ако не сакате да се мачите со читање на Pluto пред компјутер,Viz Media,еден од поголемите дистрибутери на манги на западниот пазар пред една година го комплетираше Pluto во хартиено издание.Pluto брои вкупно 8 книги,сите се со врвен квалитет и во стандарден манга формат.

Mudazumo Naki Kaikaku

2011-08-12T20:48:00.028+02:00

Манга

Легендата за Коизуми
Пишува:Хидеки Овада
Црта:Хидеки Овада
Жанр:Пародија,сеинен
Издавач:Takeshobo
Излегува за списанието Kindai Mahjong original
Година на издавање:2006

"На почетокот Бог ја создаде маѓонг масичката.Маѓонг плочките беа без облик и празни и мракот вирееше од длабините,а духот божји лебдеше над маѓонг масичката.И Бог рече "Нека биде светлина".Бог ги фрли коцките со целата своја моќ-и би светлина!И бидна вечер,па утро-прв ден.И Бог рече:Нека биде свод помеѓу плочките за да се раздели плочка од плочка.И Бог ги раздвои плочките на четирите страни-исток,запад,север,југ.Бог ги нарече плочките "раце".И бидна вечер,па утро-втор ден.И Бог рече:Нека плочките бидат собрани на едно место.Нека бамбусовите плочки бидат собрани,нека знаковните плочки бидат собрани.Насобраните плочки Господ ги нарече "серии".И Бог виде дека е добро.И бидна вечер,па утро-трет ден.И Бог рече:Нека бидат направени дора плочки кои ќе служат како знаци кои ќе означуваат бонус поени.Бог створи две големи дора плочки:Откриената плочка да ги чува горните плочки,неоткриената да ги чува долните плочки.И бидна вечер,па утро-четврт ден.И Бог рече:Нека масичката биде преплавена со плочките.Полека масичката се полнеше со плочки и тоа го означи почетокот на цумото.И бидна вечер,па утро-петти ден.И Бог рече:Ќе го создадам човекот по мојот лик.Со четири тројки и еден пар ќе го имитирате бог во неговата човечка креација.Ќе ја запоседнете маѓонг масичката и со неа ќе завладеете.И бидна вечер,па утро-шести ден.И на седмиот ден Бог ги заврши своите дела што ги направи.И се одмори во седмиот ден од сите свои дела,што ги направи."

"Битие" од Библијата
Маѓонг верзија

Пред некој ден ја изгледав серијата "Akagi",интересна серија која дава детален поглед на древната кинеска игра маѓонг,со добра приказна и уште подобри ликови.После "Akagi" се прашував дали има уште вакви слични наслови каде играњето маѓонг е централна тема на приказната,па после мало гуглање најдов манга со наслов "Легендата за Коизуми".Сеуште импресиониран од Акаги си мислев како ова може да биде слична приказна,со обични луѓе како се надмудруваат играјќи маѓонг.Boy,was I wrong.

Од каде да почнам?Замислете свет каде сите дипломатски односи,а под дипломатски се опфатени како билатералните така и тие што се значајни на глобално ниво се расчистуваат со партија маѓонг помеѓу светските државници.Замислете го Путин како со рон ќе ја натера Германија да увезува само руски гас,или Обама со манган ќе го доведе Ахмадинеџад на колена и со тоа го спречи Иран да ја развива својата нуклеарна програма.

Еден од ретките позитивни прикази на Џорџ Буш помладиот

Да,ова е ваква манга.Поранешниот премиер на Јапонија,Јуничиро Коизуми ја започнува приказната со тоа што го прифаќа предизвикот на претседателот на САД,Џорџ Буш јуниор да одиграат маѓонг.Ако Буш изгуби,САД ќе го платат долгот на Јапонија во износ од 20.000.000.000 јени.Ако Коизуми изгуби,Јапонија ќе мора да се задоволи со минорна компензација во вид на воени авиони,како гест дека го опростуваат долгот.Коизуми не би го прифатил предизвикот да не беше една катастрофална грешка која ја направи Таизо,несмасен и лекомислен службеник во администрацијата.Буш до последната рунда ја има предноста,и кога сите мислат дека се е решено,Коизуми го открива својот скриен адут-Изгрејсонцето,маѓонг потег со кој Буш ги губи сите поени,а на Коизуми му осигурува недостижна предност и победа.

Јас ја имам силата.....

Ова беше само првото поглавје и мислев дека мангата ќе оди во правец секое поглавје да биде посебна приказна.Уште еднаш-boy,was I wrong.Како што поминуваат поглавјата и добиваме увид во вистинскиот начин на функционирањето на политиката и дипломатијата,на земјата се случува силна експлозија од непознат проектил.Ударот е многу посилен од тој на Хирошима и Нагасаки комбинирано,а светските лидери добро знаат чие дело е.Ај ќе ви дадам шанса да погодувате од трипати кои се кривците.Северна Кореја?Не.Масоните?Не.Ајде,можете и подобро од тоа.Марсовците?Не баш,ама тука негде блиску.Проектилот е истрелан од месечината,од базата на нацистите.Да,добро прочитавте-нацистите.

Миленко не предупреди,но ние не го слушавме

Спротивно официјалната историја и во полза на теориите на заговор,Хитлер и дружината не биле скроз поразени во втората светска војна;во последните денови на војната тие веќе имале друг план-да полетаат на месечината и од таму да создадат нова држава,со нова војска спремна да го врати сјајот на рајхот и да ја покори Земјата еднаш засекогаш.За да не дојде до тоа,светот ги испраќа своите 5 најдобри маѓонг играчи-Џорџ Буш постариот(41 претседател на САД),Јуничиро Коизуми(поранешен премиер на Јапонија),Владимир Путин(актуелен премиер на Русија),Јулија Тимошенко(поранешен премиер на Украина) и папата Бенедикт Шестнаесетти како би се соочиле со најдобрите маѓонг играчи на Четвртиот Рајх на чело со Адолф Хитлер.Борбата од епски пропорции помеѓу доброто и злото само што не започнала.

Само тие можат да го спасат светот

"Koizumi" е неверојатно фасцинанта пародија.Како манга и аниме фан,и како упатен во светската политика и историја можев да најдам доста Pun ситуации и исмевања на доста манга/аниме трендови,како и на политички настани.Маѓонг дуелите не се направени down to earth,туку по теркот на Dragonball,со бомбастични извици кога играчот ја става последната плочка и ја открива својата серија;табелирањето е извадено како од Yu-Gi-Oh,само што тој што губи поени добива електро удари или пламен(зависи од стазата) и му се цепаат алиштата и плука крв(уште еден Dragonball pun);ликовите се over the top и посилни од животот и нормално зачинето со малку фансервис.

Како изгледа маѓонг борба ала Коизуми?

Путин:Ти нема да го направиш своето "изгрејсонце" навреме.Не додека јас ти упатам "БАЛТИЧКА ФЛОТА"!!
Коизуми:Не толку брзо!*Става плочка икс.*
Путин:Ама.......ова............КАКО Е ОВА МОЖНО!!!!!!!!!!!!?????
Коизуми:Додека ти правеше икс,јас превзедов ипсилон,*во меѓувреме во позадина се слуша The raising fighting spirit од Наруто*и таман да завршеше,јас си направив "изгрејсонце" и сега твојата тактика е чкљ.ИЗГРЕЈСОНЦЕ!!!!!!!!!!!!!!!!!!!!
Путин:ООООООООООООООООООООООО НЕЕЕЕЕЕЕЕЕЕЕЕЕЕЕЕЕЕЕЕЕЕЕ!!!!!!!!!!!!!!
Путин ги изгуби сите поени;Путин чади.

Tек да ги видите другите борби.Ова не е ништо.

Напомена:Секој играч си го именува својот заштитен потег по одредени политички карактеристики и настани на својата држава.На пример папата Бенедикт својот супер потег го нарекува "Светото тројство",или "Апокалипса сега" на Џорџ Буш постариот односно Тато Буш.

Badass интро на папата

Како што реков,ликовите се посилни од животот,а Коизуми е тој што зрачи со најмногу енергија.На челото му е испишано нешто што Барни од How I met your mother го нарекува AWESOMENESS,а за да видите колку е Коизуми awesome,најдобро покажува оваа сцена-Коизуми се поздравува со толпата народ;некој ќе го погоди четирипати во телото;Коизуми е жив,но не дава да го носат во болница оти мора да оди на американскиот носач "Нимиц" за да игра маѓонг со Ким Јонг Ил,вечниот лидер на Северна Кореја и со победа да го одврати од плановите да ја гаѓа Јапонија со интерконтинентални балистички ракети;Коизуми доаѓа на носачот;крв му тече од слабо средените рани,но стиска заби;таман da се онесветi но на помош му доаѓа Tаро Асо(исто така поранешен премиер на Јапонија);Асо му се придружува како секундант;Коизуми го креира своето "изгрејсонце" и го прави Ил пуздер;Ил не е многу загрижен оти и така ќе пушти ракета кон Јапонија;Коизуми влегува во F15 ловец и се судира со ракетата;целата нација тагува по неговата смрт-само за да биде подоцна демантирана кога ќе го најдат во Владивосток,но има амнезија;за среќа Таизо му го враќа памтењето со маѓонг и Коизуми штотуку опоравен се враќа во Токио за да се пресмета со Путин и нормално да му го исклоца задникот,маѓонг style.

И нормално,како што секој позитивец си има негативец,така и Коизуми го има Хитлер.И морам да признаам,Хитлер има чуден приказ во мангата.

So kawaii!!!!!

Дали е можно ова лице,исполнето со среќа,мир и љубов,каде цветчиња повремено улетуваат во кадар прикажувајќи една слика на спокоен човек да му припаѓа на човекот одговорен за започнувањето на Втората светска војна и творец на најголемите трагедии во 20 век?Паааааааааааааааааааааа...........да.Но нека не ве залажува сликата-иако ова што го гледате како да испаднало од шоѓо фанфикција каде Хитлер рони и по некоја солза кога ќе изгуби некој што му е мил,Хитлер и понатаму си останува стариот добар мегаломанијакален водач на Третиот Рајх.

А да,дали заборавив да пишам дека го може ова?

Nappa:Vegeta,what does the scouter say about his aryan level!?
Vegeta:It's over 9000!!!!!!!!!!!!!!!!!!!!!!!!!!!!!!!!!!!!!!!!!!!!

Само да го видите кога ќе стане Супер Ариевец 3.

Во одбрана на лошите момци.Некои ќе речат "ама ги видовме нацистите во 1000000000000000000000000 филмови и што се не,мора ли и овде"?На некој начин-да.Додека ја читав не можев да замислам други негативци,а и зошто би требало кога нацистите се логичен избор овде,а се што е со нацисти е загарантиран успех(Cassablanca,Inglorious basterds итн).Патем тие се и меѓу трите најексплоатирани негативци во поп културата-другите две места се резервирани за вампирите и зомбите.Можеби факторот awesome би бил поголем ако комбинираме нацисти-зомбиевци(ама тие немаат друга работа туку да се шетаат сакато и да ти го изедат мозокот,патем оваа идеја први ја дрпнаа момците што го снимаа "Dead snow") или нацисти-вампири(ама тие се веќе искористени во "Hellsing").

Мојот заклучок за една ваква трипозна и неверојатно смешна манга,исполнета од прва до последна страна со "whats this I dont even" моменти,креирана со огромна доза на луда имагинација и халуциногени печурки?

My balls/Yuria 100 Shiki

2011-08-01T19:21:00.022+02:00

And now something completely different.

Изминативе денови се решив да направам мала пауза од читање манги со сериозни содржини,па по препорака на еден другар посветив внимание на делата на Шигемицу Харада.Приказните му се преполни со хард кор ecchi/borderline hentai и комични елементи,поточно на две негови дела;My balls(Моите јајца) и Yuria 100 Shiki(Јулија сериски мoдел 100).

Сакав да ставам слика од My balls,но од пуст страв дека ќе добијам правни импликации се премислив,
so here's a pony

My balls е сместена во денешно Токио,место каде треба да се случи Армагедон,најголемата битка помеѓу силите на доброто и злото(хм,во Библијата пишуваше дека Армагедон ќе се случи на Блискиот Исток but nvm),а злото на чело со Кралицата на теророт Емануела е на чекор до победата.Од друга страна архангелот Михаел применува метод кој ќе ја зароби кралицата(методот е сличен како оној што го применува Роши кај Пиколо од Dragonball).Ако кралицата биде фатена,војната ќе заврши и сите ќе бидат весели и среќно ќе живеат.Or did they!!?Михаел успева во намерата,но Емануела не е затворена во шишенце или кутија или покетопка.Нејзините зандани се јајцата на Сато Коута,19 годишен работник во пиљара.За да не се ослободи кралицата Коута е присилен да не ејакулира 30 дена и мора да се воздржува од валкани мисли,порно списанија и видео клипови,било што што ќе го стимулира.На пат да ја ослободи Емануела е Елиза,демоница од најнискиот дел од хиерархијата од светот на ѓаволите.Задачата што и е доверена и е од големо значење-ако ја заврши како што треба,може да добие унапредување и да стане дел од демонската елита,па користи се што има за да го натера Коута да ја исфрли кралицата.Но тоа не е единственото нешто од што Коута мора да се пази;колешката со која работи е тешка нимфоманка(додуша тоа станува по 2-3 пива) и одамна му го има фрлено меракот,а газдата го носи во масажерски бордел салони за да го внесе во светот на возрасните(Коута е девица,па уште потешко му паѓа што разноразни девојки му се пуштаат баш во ова време).Дали Коута ќе испости доволно долго за да го спаси човештвото или ќе ја исцеди последната надеж и ќе и дозволи на Сатаната да го запали светот?Останува да видите.

Во My balls нема сцена што не смешна.Коута е доведен во многу урнебесни искушенија од демонскиот свет,но ги преварува со свои уште поурнебесни трикови,па ќе го гледаме како тој се здобива со искуство и секоја незавидна ситуација ја добива во своја полза.Во некои моменти Елиза го краде шоуто кога ќе дознаеме дека и таа е девица и се плаши од 'змијата" на Коута,често прибегнувајќи кон оригинално смешни решенија да го возбуди Коута без таа да си ги извалка рацете.My balls е една од најдобрите манга комедии кои сум ги прочитал во последно време.Detroit metal city е единствената манга која може да и парира кога станува збор за hit below the belt комедии,но My balls е класа за себе.

On second thought,to hell with censorship

Од друга страна,Yuria 100 Shiki е слична во миксот echhi-комедија,само во научнофантастична обланда.Во тајните простории на доктор Акиба се пишува историјата.Тој е првиот научник кој ќе создаде робот кој е најблиска имитација на човекот.Но роботот нема да се користи за благородни цели-освен ако под "благородни" го ставиме и давањето сексуални услуги.Др.Акиба ја создаде Јулија за да ги задоволува сите негови интимни желби и да му биде "идеалната холандска сопруга".Е сега се би му одело како подмачкано да не е оној мал проблем кој се нарекува"научникот вградува нервен систем на роботот со кој подоцна станува самосвесен" и Јулија бега од него.Бегајќи што подалеку таа ќе се судри со Шунсуке Кубо,кој сожалувајќи и се во каква состојба е,ќе и даде престој во неговиот стан.Шунсуке и Јулија се зближуваат,но Јулија која е програмирана да биде секс робот има неодолива желба да го легне Шунсуке и така да биде за него идеална холандска сопруга(Јулија е ничиј секс робот се додека не ја изгуби невиноста).Јулија користи секаква можност да го заведе и со тоа да му биде идеалната холандска сопруга(овие зборови често ќе ги среќавате),но Шунсуке и одолева оти му е страв да не го откачи вереницата.

Ѕвездата на Yuria 100 Shiki е самата Јулија.Од моментот кога е на слобода,таа многу малку знае за околината која ја опкружува,па поради тоа ќе прави работи кои го доведуваат Шунсуке во многу резил ситуации,и секако неизбежното-да го оговара друштвото и цело маало;а како што добриот глас надалеку се слуша,така и ова стигнува до ушите на неговата вереница која не го жали својот скап чадор кога го мава Шунсуке.

Иако Yuria е од истиот мангака на My balls,сепак My balls е подобра што се однесува до комичните сцени.Yuria на почеток е интересна со напорите на Јулија да го усреќи Шунсуке,но ваквата ствар се повторува со секое одминато поглавје и знае да замара.Монотонијата се разбива околу третата книга кога Харада не запознава со нови,пософтицирани и подобри модели од истата серија модели Јулија,а подоцна и со инвазијата на Луси МК,американско-европски модели создадени од еден американски доктор од Силиконската долина како одговор на неговиот јапонски колега дека амероевропските роботи можат да бидат подобри во секој смисол.

Дали My balls/Yuria се блесави?Да.Дали се некоректни?Да.Дали приказните се глупи до тој степен да се смешни?Да.Но тоа не ме спречува да земам одмор од дела со сериозни тематики и одвреме навреме да најдам некој интересен и забавен треш.

Добредојдовте во воздржувањето (Добредојдовте во НХК #15)

2011-07-15T13:00:00.006+02:00

„Добредојдовте во воздржувањето“ е последната, 15-та епизода од 3-тата книга на проектот на Манганација - „Добредојдовте во Н.Х.К.“
„Ангелот чувар“ - Мисаки-чан, се бори со продажниот агент на MyWay да го заштити Сато-кун и да не дозволи да го искористуваат. Ќе успее ли? Ќе биде ли доволна силна да го излече од збрката во која влезе минатата епизода?
Симнете ја верзијата во pdf или во cbz, или прочитајте онлајн и дознајте.

Во меѓувреме Манганација ќе направи пауза од околу еден месец, поради летните одмори, но од септември продолжува со ист толкав ентузијазам, многу поголемо искуство кое го стекна последниве 3-4 месеци и се надеваме многу помалку пропусти :).

До тогаш, уште еднаш потсетување каде може да ги најдете претходните епизоди, доколку некоја сте пропуштиле.

Книга 1:

#01 Добредојдовте во проектот PDF CBZ WEB
#02 Добредојдовте во Лолита PDF CBZ WEB
#03 Добредојдовте во новиот свет PDF CBZ WEB
#04 Добредојдовте во училницата PDF CBZ WEB
#05 Добредојдовте во претпријатието PDF CBZ WEB

Книга 2:

#06 Добредојдовте во мораториумот PDF CBZ WEB
#07 Добредојдовте во летните денови PDF CBZ WEB
#08 Добредојдовте на одморот PDF CBZ WEB
#09 Добредојдовте на офлајн средбата PDF CBZ WEB
#10 Добредојдовте во рајот PDF CBZ WEB

Книга 3:

#11 Добредојдовте онлајн PDF CBZ WEB
#12 Добредојдовте во заклучената соба PDF CBZ WEB
#13 Добредојдовте кај сината птица PDF CBZ WEB
#14 Добредојдовте во My Way PDF CBZ WEB
#15 Добредојдовте во воздржувањето PDF CBZ WEB

Екипата на Манганација ви посакува пријатни летни одмори!

Nyaaaa ~~~

Shingeki no kyojin

2011-07-12T23:08:00.017+02:00

Манга

Shingeki no kyojin(превод:Нападот на џиновите)
Пишува:Хаѓиме Исајава
Црта:Хаѓиме Исајава
Жанр:Eпска фантастика,стимпанк,акција,авантура,хорор,шонен
Издавач:Kodаnsha
Списание:Bessatsu shonen magazine
Година на издавање:2009

"На тој ден,човештвото се сети на ужасното чувство да си под нивното стапало,на понижувањето да бидеш како затворена птица............"

Ерен Јегер

Во 2009 година младиот мангака Хаѓиме Исајава поднесува примерок од својот авторски труд на главните уредници на манга списанието Weekly shonen jump,со надеж дека тука ќе може да си изгради завидна кариера како манга автор.Но бива одбиен со образложение дека неговото дело не се совпаѓа со нивниот концепт за тоа што треба да биде шонен манга(а така испадна најдобро за него бидејќи не можам да замислам како Исајава би се справувал со секојдневните цензури кои би му ги наметнувале од уредништвото).Потоа се обраќа до Kodаnsha каде препознаваат голем потенцијал во неговата работа и добива место во нивното списание Bessatsu shonen magazine.Останатото е легенда.

Shingeki no kyojin предизвика голема турбуленција во светот на мангата.Дело кое не доби никаква помпа и рекламирање успеа да се најде меѓу најчитаните манги во првите 3 месеци со преку 500 000 продадени примероци,притоа симнувајќи доста познати наслови,меѓу кои и Bleach,а критичарите го величаат до небеса.Која е оваа манга,за што се работи и колкаво е нејзиното значење во светот на мангата?

Приказната не води во еден фиктивен свет налик средновековна Европа,каде последните припадници на човештвото живеат во град без име,град кој е последна линија на одбрана и опстанок од нивниот најголем непријател-џиновите.Нивното потекло е непознато и се знае само дека немаат интелигенција,немаат репродуктивни органи,нивната висина варира од 3 до 15 метри и се хранат само со луѓе.Градот е опкружен со бедемот Марија висок 50 метри,доволно висок да и најголемиот џин не може да се искачи.Веќе 100 години неговите жители живеат мирно и безбедно.Меѓу нив е и нашиот јунак Ерен Јегер кој ноншалантно си се шетка со својата другарка Микаса Акерман,се додека во еден момент не се чуе страотен татнеж.Ерен како и другите го вперува погледот кон дел од бедемот каде се создава прашина и гледа како еден колос,висок 60 метри,без кожа и обвиен во пареа потсмевливо гледа кон градот и го руши бедемот како песочен замок.Џиновте влегуваат и тогаш масакрот почнува.Ерен не знае што да прави во сета таа паника и за да биде несреќата поголема тој е заглавен во рушевини.Мајка му го спасува и го доверува на еден војник кој и ветува дека ќе се грижи за него додека таа го одвлекува вниманието на џиновите што се приближуваат.Последниот спомен на Ерен за мајка му е како еден од џиновите ја џвака.Преживеаните се повлекуваат во другата половина на градот заштитена со повисокиот бедем Роса,и кога Ерен си доаѓа при себе си дава ветување дека ќе ги истреби џиновите од лицето на земјата.

Иако Shingeki спаѓа во категоријата шонен има многу малку допирни точки со шонен мангите,а под шонен зборувам за денешните шонени кои ја следат Dragonball формулата на Акира Торијама.Овде нема да наидете на мало дете кое ја буди внатрешната сила со упорен тренинг и дисциплина и им дава поуки на поразените непријатели да не прават лоши дела,нема мудар но перверзен и духовит учител,непријателите не се појавуваат по редослед послаб,слаб,јак и не се докрајчуваат со супер потези(океј,некои од потезите се сепак кул),па дури и хуморот отсуствува.Ако веќе мора да се прават паралели Shingeki по својата атмосфера,меѓучовечки односи,борба на добро и зло и карактеристики на ликовите повеќе личи на сеинен манги од типот на Devilman од Го Нагаи и Berserk од Кентаро Миура.Во најмрачните мигови човештвото е далеку од сплотено-луѓе си ги одземаат животите само за да не завршат како оброк,војници се бунтуваат и дезертираат од своите позиции само за да бидат со своите најблиски,се случуваат предавства кога најмалку ги очекувате,а Ерен на кој во главата му се врти само желба за одмазда распламтена со гнев наликува на Акира Фудо/Гатсу во неговата борба со демоните/апостолите,а ако има нешто што позајмува од Dragonball концептот тоа е помошта што Ерен ја добива од неговите пријатели(иако тимската работа не гарантира дека ќе се преживее до наредниот ден).

Акционите сцени се мајсторски направени.Нема да ве замaраат херои кои ги извикуваат имињата на своите напади пред да го зададат ударот или се навраќаат во минатото каде сигурно нешто трауматично им се случило,борбите се динамични како во чистокрвни акциони филмови и обично зафаќаат околу пола танкобон.

Ако има нешто разочарувачко тоа е начинот на кој Исајава ги црта човечките ликови.Додека му треба време за да се испраксира на тоа поле таков проблем нема кога ги црта џиновите.А џиновите сјаат во сета своја гротесктност и деформираност и предизвикуваат морници како оние кои ги добиваме додека слушаме/гледаме/читаме хорор дела.

Исајава кој своите идеи ги црпеше од сеинен наслови успеа да го собере најдоброто од нив и да го спакува во продукт за помлада публика,а резултатот е повеќе од јасен-мангата излегува веќе 3 години и за тоа време создаде свој препознатлив идентитет кој го издвојува од остатокот денешни шонени и укажува дека не е неопходно да се следат препознатливите шеми за успех за да се стекне попоуларност меѓу тинејџерската публика.

Змејот во јапонската митологија

2011-07-09T01:15:00.008+02:00

Додека средновековните Европјани на змејовите гледале како на злобни и застрашувачки суштества, кои блујат оган, сеат страв и трепет кај народот и крадат злато и драги камења кои ги трупаат како свое богатство, далеку на истокот се развива сосема поинакво гледиште за овие прекрасни митолошки суштества. Како и во останатите Азиски земји, и во Јапонија змејот го има заслужено своето место во митологијата како величенствено суштество, кое е носител на среќа, успех и хармонија, на мудрост и просперитет.

Змејот (ryū или ryō) е змијовидно суштество, кое има глава на камила, еленски рогови, очи на зајак, крлушки на крап, тигарски шепи и канџи кои потсеќаат на орелски канџи. Имаат и мустаќи и драг камен под брадата, а често може да се видат претставени и со крилја. Според легендите, змејовите може да завземаат човечка форма и да имаат деца со луѓе. Нивен најголем непријател е фениксот, како и човекот птица наречен Karura. Она по кое се разликува од останатите азиски змејови е во бројот на канџите. Јапонскиот змеј има 3 канџи. Според јапонското гледиште за бројот на канџите, змејот потекнува од Јапонија, и како се оддалечувал кон другите азиски земји, добивал по една канџа плус, за да ако се оддалечи премногу од Јапонија, не може да продолжи понатаму ради преголемиот број на прсти со канџи. Во Кина се тргнува од спротивното гледиште.

Змејовите се врзуваат на водената димензија, и често може да се видат претставени опкружени со вода или облаци. Јапонските легенди укажуваат на постоење на 4 вида на змејови, четирите змејови - кралеви кои владеат со четирите мориња (оригинално се настанати како суштества чувари): небесни змејови кои го чуваат живелаиштето на боговите, спиритуалните змејови кои владеат со ветрот и дождот, и поплавите, земјените змејови кои ги пречистуваат реките и ги продлабочуваат океаните и змејовите-чувари на богатствата кои се заштитници на благородните метали и драгите камења.

Најпознат змеј во јапонската митологија покрај погоре спомантите кралеви е и Ryu Jin или Ryo Wo, кој потекнува од Шинто религијата и се смета дека е змејот крал на змијовидните луѓе кои живеат во морето. Исто така, мошне познате е и Fuku Riu - змејот на среќата, кој најчесто е прикажуван во позиција на искачување кон небото, што во азиските земји е показател на среќа. Понекогаш, змејовите може да се и показатели на некои немили настани, како на промер O-Goncho, кој се смет како предвесник на глад, или пак злобните Ubiwami кој се хранел со луѓе и животни и Yofune-nushi, кој ги принудувал локалните селани секоја година, на 13ти Јуни да му жртваат по една девица, што ако не се случело, им се заканувал со уништување на нивните рибарски бродови. На овој линк може да прочитате повеќе и за останатите познати змејови, а овде и по некоја занимлива митолошка приказна.

Денес змејовите претставуваат украс на ѕидовите на многу храмови, постојат голем број на резби со мотив на змеј, карактеристични за храмовите на Зен Будизмот. Змејовите живеат и на телата на луѓето, претставени преку голем број на импозантни тетоважи.

Добредојдовте во MY WAY (Добредојдовте во НХК 14)

2011-07-08T13:00:00.004+02:00

Повторно петок 13 часот. И повторно ние сме тука со новата епизода.

Ова е претпоследната за оваа сезона, уште една на 15ти и после ќе имаме мал одмор, па продолжуваме на есен.

Во оваа епизода се запонавама со измамничките мулти левел маркетинг пирамидални фирми кои исцедуваат огромна сума пари од луѓето преку користење на манипулативни методи на персуазија.

Сато кун тука се наоѓа во една таква ситуација, а како се снајде и што поконкретно се случува, може да прочитате и сами.

За симнување pdf и cbz.

Berserk:The reboot

2011-07-07T00:48:00.007+02:00

За сите оние кои не се запознаени со Berserk серијалот
http://en.wikipedia.org/wiki/Berserk_%28manga%29

Пред едно 2 години на интернетот се појавија слики од Berserk во аниме форма.Фановите се радуваа на можноста да видат продолжение на оваа епска сага,но нивните надежи беа набргу срушени со веста дека анимациите се од адаптација на видео игра за Berserk.Кон крајот на септември 2010 г. како гром од ведро небо се појави првата реклама за новата Berserk серија со тогашен наслов Berserk:The saga begins.

A набрзо и преостанатите

Yup,this is the real deal.Berserk,една од најпопуларните манга серии во Јапонија со уште поголема фановска база надвор од неа,после оригиналниот аниме серијал од 1998(кој опфати само мал дел од мангата) добива нова аниме адаптација и по се изгледа нема да продолжи таму кај што застана старата серија,туку се ќе се раскажува од почеток и ќе ги опфати сите делови кои не добија можност да бидат адаптирани во претходната серија.

Во најновото издание на Young animal magazine се потврдени следните информации:
-Berserk ќе излегува како серија филмови(не се знае колку танкобони ќе содржи еден филм)
-За анимацијата е задолжена Studio 4C(Tekkon Kinkreet,Detroit metal city)
-Режисерската палка му припаѓа на Кубоока Тошијуки(Top o nerae!,Batman:Gotham knight)
-Премиерата на првиот филм е закажана за јануари 2012 г.

Шпекулации:
-Музиката ќе ја компонира Gackt
-Временскиот распоред за секој од филмовите е така направен да треба најмалку 10 години да поминат за да се покрие целата манга(барем она што е досега излезено)

Tолку за сега.Повеќе информации ќе бидат објавени на 15 јули кога е закажано отварањето на официјалниот сајт.

И за крај

Ново:Официјалниот сајт е отворен малку порано http://www.berserkfilm.com/
Првиот филм ќе биде насловен Berserk:The Golden age 1-The egg of the conqueror.

Синдром #5: Сканлација –Манганација By Jokoc

2011-07-05T14:39:00.001+02:00

Голем поздрав до момците од Македонски Стрип Форум, а особено до Раста за поддршката :)

Ова е текстот кој излезе во последниот број на Синдром. Jokoc со задоцнување денес ни го прати, за членовите на Манганација и на Јапа.нет.мк. Повелете ,)

Како што спомнавме во третиот број од „Синдром“, проблемите со популаризирање на мангата
биле во неможноста за читање манга на сопствениот јазик. Токму како резултат на ова се појавиле групи на луѓе кои го познавале јапонскиот јазик и кои својата љубов кон мангата ја пренесле на другите преведувајќи ги мангите на домашниот јазик. Од 70-те, кога прв пат се појавиле овие групи, денес се прераснати во цели тимови чија активност покрај превод вклучува скенирање и уредување на манга. Денес, целиот овој процес го добива името сканлација. Иако сканлацијата денес се однесува воопшто на стрипови, нејзините почетоци се токму во прилагодување на манга.

Од неодамна кај нас почна да функционира првата група за сканлација на манга на македонски
јазик –„Манганација“. Целата иницијатива за формирање на групата започна од луѓето кои го
долго време и активно го водат блогот japmk.blogspot.com. Иницијативата започна во средината
на февруари преку нивната страна на fb (групата japa.net.mk), како дискусија за формирање на
група за сканлација. Откако се пријавивме повеќе заинтересирани луѓе за преземање на одредени одговорности, а потоа и потврдивме дека сме сериозно заинтересирани, следеше бреимсторминг за името на групата. И така настана „Манганација“.

Првиот тест проект беше one shot мангата „Кошмарот на измислици“, официјално објавен на 11 март. После успешното функционирање на групата на овој проект, одлуката падна наредниот проект да биде култната манга „Добредојдовте во Н.Х.К.“. Набрзо обврските беа распределени и на 8ми април излезе првиот дел од НХК. Успешното функционирање на групата беше потврдено во исполнување на ветеното –секој петок нов дел од оваа манга.

Групата брои 22 членови, од кои 13 члена имаат активно учество во сканлацијата. Bi е координатор и одговорна за проверка на квалитет (QC), poljaff проверува, преведува звуци, тејпсетира и објавува на веб, Asami чисти и тејпсетира, Nasadigital и Razex чистат, Ref тејпсетира, превод –Nana, Sonshi, jokoc и Hosegawa, проверка на текстови Goaty, Bane the jester –redraw, Ecchi (обезбедува домејн, ридер и фтп). Секој кој сака да се придружи и да помогне во работата на Манганација едобредојден и може да ги побара на groups.google.com како manganacija, а доколку сакате само да го следите нивниот труд тогаш посетете ги на manganacija.com.

Во меѓувреме ни се приклучија и Imenka и Boy, а u240b е постојано со нас за техничка помош.
Само напомена, сајтот manganacija.com e сеуште во фаза на изработка. :)

Добредојдовте кај сината птица (Добредојдовте во НХК #13)

2011-07-01T13:00:00.001+02:00

Петок, а денес ја објавуваме 13тата епизода од Добредојдовте во НХК.

Но, да се надеваме нема баксузната бројка да му пречи на Сато-кун да стане свој човек и да се излечи од синдромот на социјална повлеченост..

Секој може да полета, само треба да сака, и да размислува позитивно!

Во новите доживувања и нови средби со нашите јунаци, денес можете да уживате во епизодата Добредојдовте кај сината птица, читајќи ја онлајн овде.

Како и секогаш, достапнa за симнување pdf и cbz верзиите.

Shigurui

2011-06-28T22:34:00.004+02:00

Shigurui(превод:Лудило по смртта,Смртоносен транс)

Манга

Автор:Јамагучи Тадајуки

Жанр:Историски,драма,трагедија

Наменето за возрасна публика

Број на танкобони:15

"...бидејќи самурајот не беше господар на својот живот.Кога воин влегува во службата на својот господар,нема поголема чест од онаа да си го даде животот за него.Феудалното општество,во својот совршен облик беше сочинувано од мал број садисти и голем број мазохисти.”

“ Турнирот во замокот Суруга”

од Норио Нанѓоу

Во 1629 година јапонскиот народ живее во време на мир.Господарот на провиницијата Суруга Токугава Таданага,брат на шогунот Иемицу,организира турнир во мечување во неговиот замок.Овој турнир предизвикува големо чудење бидејќи борбите не се водат со дрвени мечови(бокени) туку со вистински челични мечови(катани).И покрај приговорите на неговите советници,никој не го спречува одржувањето на турнирот на кој се поканети 22 најдобри мечувалци.За чудењето да биде уште поголемо првиот двобој се одвива помеѓу еднорак самурај по име Геносуке Фуџики додека на другата страна го предизвикува слеп самурај по име Ирако Сеиген.И како што се одбројуваат последните минути од почетокот на овој двобој така откриваме дека овие самураи не се случајно одбрани од самиот господар Токугава-имено и двајцата делат заедничко минато како ученици на најдобриот мечувалец во тоа време Ивамото Коган.

Shigurui не е типична самурајска манга-во неа се прикажува поинаква слика за начинот на живот на самураите.Во неа нема да се најде ни трага храброст,доблест благородништво и чест на овие воини,одлики кои ги среќаваме во филмовите на Акира Куросава,делата на Мијамото Мусаши или стриповите во стилот на Химура Кеншин.Овде тие се претставени како блудничари,социопати,декадентни и дегенерици,а самурајскиот живот како можност слободно да си ги канализираат своите прикриени желби,додека обичниот народ нема многу избор освен понизно да си ја прифати судбината.

Главни ликови и двигатели на Shigurui се Ирако Сеиген(таинствен и харизматичен патник кој добива шанса да биде ученик на Ивамото Коган) и Геносуке Фуџики(кој од мали нозе е обучуван под будното око на Ивамото Коган и чија слепа послушност е ненадминлива дури и за најпокорните поданици).Како што постепено со секое поминато поглавје се откриваат нивните побуди за учество на турнирот,така се губи секоја можност да се идентификувате со било кој од нив,бидејќи користољубието,омразата и слепата амбиција длабоко се засадени во душите на овие антихерои.

Голема пофалба оди на сметка на цртежот.Големо внимание е обрнато на деталното и естетското прикажување на градовите,селата и замоците,ликовите се нацртани сосема реалистично(овде нема да сретнете големи очи,тенки вратови и бизарни фризури),а воедно голем плус е и тоа што Shigurui ги има можеби најубаво нацртаните секс сцени кои некогаш сум ги видел во манга.

Како заштитен знак се издвојува насилството.Shigurui е една од најбруталните манги на сите времиња и знае честопати да предизвика чувстсво на гадење бидејќи има многу реален,графичи и експлицитен пристап кон сцените со насилство.Овде ќе видите сцени на отсекување на раце,нозе,глави,истурање на црева по подот,но сето тоа е прикажано елегантно и стилизирано,небаре станува збор за бизарен вид на уметност.

Оваа манга не е за секого.Има моменти кога ќе ви стане одбивна и ќе ве одврати од понатамошно читање,но ако не ви смета експлицитен секс и насилство и ако сакате поинаква и понеобична приказна за животот на самураите ова е манга за вас.

Добредојдовте во заклучената соба (Добредојдовте во НХК 12)

2011-06-24T13:00:00.002+02:00

Еве уште една недела. Овој пат горештините настапуваат кај нас, а со Сато Тацухиро се случуваат работи зад заклулена врата.

Во оваа епизода имаме: врзување со лисици и S&M моменти, се разбира во комична конотација, и посериозното разгледување на ефектите на социјалното повлекување (хикикомори синдромот од кој пати Сато): невработеност, трошење пари од родителите и целосна паразитска зависност од нив.

Новата епизода може да ја симнете од тука:

CBZ - Преземи

PDF - Преземи

ONLINE READER - Читај тука!

Добредојдовте онлајн (Добредојдовте во НХК 11)

2011-06-17T13:00:00.003+02:00

Успешно завршивме 2 книги од проектот Добредојдовте во Н.Х.К. и денес почнуваме со третата. Работите стануваат се’ повозбудливи, нели? :)

Новата епизода го носи насловот „Добредојдовте онлајн!“ и раскажува за зависноста од игрите. Претпоставуваме некои од вас ќе се препознаат себеси, бар малку. ,) Речиси целата во „гејмерски“ жаргон на MMORPG игрите, но лесно и забавно е раскажана, па и оние на кои онлајн игрите им се непознати ќе уживаат во неа.

За онлајн читање ја имате овде
А повторно ги имате и верзиите за симнување во pdf и cbz формат

Јапанорама 21- Summer Wars

2011-06-15T13:00:00.000+02:00

Кога станува збор за аниме посебно за оние филмови кои се наменети за целото семејство, ретко кој може да му го преземе приматот на фантастичниот Miyazaki. Но, има неколку режисери кои би можеле да се борат за неговиот трон. Во случајов, Hosoda Mamoru, кој нам ни е познат по Toki wo Kakeru Shoujo (The Girl Who Lept Through Time), а можеби и по филмовите на Dragonball и Digimon.

Оваа Јапанорама бр. 21 ви го претставуваме неговото последно дело - Летни Војни (Sama Wozu), долгометражен анимиран филм од 2009-та, кој уште од своето појавување доживеа одлични критики.
Филмот содржи доста познати елементи, но и богатсво од карактери и нивни забавни меѓуодноси. Мошне свежо ни го прикажува и имагинарниот и виртуелен свет ОЗ, чија анимација може да се спореди со уметничките дела на Murakami Takashi. Летни Војни на места е мелодраматичен, во разглобувањето на фамилијарните врски и меѓучовечките односи, но и возбудлив, во прикажувањето на позитивните страни на социјалните мрежи на глобалниот Интернет и потенцијалната опасност од погрешното користење на вештачката интелегенција и виртуелните авторитети.

Ве очекуваме, во сабота 18.06.2011 во 20.00 часот во просториите на Клуб на новинари.

P.S. Преводот е на македонски, а влезот е бесплатен. ;)

Манга за летно уживање

2011-06-13T01:30:00.000+02:00

Моно но аваре (物の哀れ Mono no aware), буквално „патосот на нештата“, исто така се преведува како „емпатија кон нештата“ или „осетливост за ефемерното“ е јапонски термин кој означува свесност за непостојаноста, или минливост на нештата и нежна тага кон нивното поминување. Смислен е во осумнаесетти век од страна на Мотори Норинага и од тогаш претставува незаменлив дел од јапонската литература и традиција.
Ова е уште еден од јапонските концепти кои се достојни за восхит и кои длабоко се всадиле во јапонската култура и живеење. Слично како и вабисаби и овој естетски поим е нешто што не можете толку лесно да го дофатите или опишете, но единствено може да го доживеете. Посматрањето на цветот на јапонските цреши (Сакура) е само еден од начините преку кои јапонците го насетуваат недофатното, минливоста на времето и трансцедентноста на работите. А едно од попознатите литературни дела во светот од јапонски автори, кои го опфаќаат ова чувство е „Норвешка Шума“ на Муриками.

Јокохама Каидаши Кикоу (Yokohama Kaidashi Kikou)

на Хитоши Ашинано е манга

преку која највистински може да го доживеете „моно но аваре“

концептот со сета негова силина. Оваа манга раскжува за 'животот' на една девојка робот,

која живее во едно оддалечено пусто место грижејќи се за кафиќот „Алфа“, каде што ретко кој поминува. Таа останува иста, а работите поминуваат и се менуваат, тивко. Времето е во самракот на светот, откако голем дел од земјата е поплавена под вода и луѓето потполно го промениле начинот на живот. Сè е некако релаксирано и опуштено. Луѓето живеат пензионерски, без непотребно напрегање и возбудувања. Целото чувствошто го оддава мангата потсеќа на лето од детството. Измешано чувство на носталгија, меланхолија и возбуда. Чувство што предизвикува зависност и едноставно не можете да му се науживате. Поради тоа оваа манга предобро легнува за читање во лето. На плажа или по дома, не е важно, поради тоа што успева да ве однесе во некој друг време-простор од кој не сакате да се вратите.Интересно е што авторот ја пишувал и објавувал оваа манга цели 11 години, и со тоа уште повеќе го нагласил „моно но аваре“ концептот, но тргнувајќи од себе, знам дека не би можела да ви предложам и вас да го направите истото при читањето.

Мангата може да ја најдете на некој од попознатите манга ридери, но еве ви еден линк за секој случај. Удобно читање:

Јокохама Каидаши Кикоу

Се надевам во некои подобри времиња Манганација ќе може да ја сканлира и оваа манга :)

Добредојдовте во рајот (Добредојдовте во НХК 10)

2011-06-10T13:00:00.002+02:00

Уште еден петок, овој пат неработен. И се разбира тука е НХК, овој пат со разгледување на феноменот на офлајн средба за самоубиство, што претставува загрижувачка појава во јапонското општество.

Па, како и досега, следете ги линковте.

Онлајн manganacija.com/NHK/010

.cbz форматот за читање стриипови и

мејнстрим .pdf форматот, кој послужува и за печатење.

Се гледаме во следниот том, ова е последната епизода од вториот.

Добредојдовте на офлајн средбата (Добредојдовте во НХК 09)

2011-06-03T13:00:00.008+02:00

Ете сме пак. И пак на време. Со надеж дека постојат луѓе кои нè очекуваат секој петок од 13:00 часот за да ја прочитаат новата еписода на Добредојдовте во НХК на македонски :)

Па еве ги линковите.

На онлајн ридерот веќе го знаете, само треба да ја смените последната цифра од претходниот пат :) http://manganacija.com/NHK/009/

Но тука се и таа за печатење по дома: pdf верзијата

и онаа за корисниците на комик ридери: cbz.

See U laterz aligaterz

Јапанорама 20 - 13 Assassins

2011-06-02T08:30:00.001+02:00

Оваа сабота 04. јуни во 20.00 часот, во веќе познатите простории на Клуб на новинари во Скопје, за прв пат оваа сезона ќе презентираме игран филм, по избор на нашите членови.
Станува збор за последниот филм на Такаши Миике - 13 Убијци (Jûsan-nin no shikaku), епска самурајска приказна, полна со карактери, а истовремено многу едноставна.

Во Едо периодот на Јапонија, кога веќе не постојат самураи, еден веќе стар самураи мастер добива задача да го убие бескруполозниот, суров и мазохистички Лорд од кланот на Шогунот, пред тој да стане повлијателен на политичко поле во Јапонија. За таа цел, искусниот самурај собира 12 убијци, докажани и недокажани самураи, на очигледно самоубиствена мисија против малата армија од војници на Лордот.

Филмот е донекаде омаж на, на сите нас добро познатите дела на Акира Куросава, но со насилство типично за самиот Миике (иако не до границите на Ichi the Killer, сепак не е за оние со слаб стомак)

Се гледаме во сабота!

Добредојдовте на одморот (Добредојдовте во НХК #08)

2011-05-27T13:00:00.002+02:00

Денес, на време, ја објавуваме осмата епизода од проектот Добредојдовте во Н.Х.К., насловена како Добредојдовте на одморот. Овој пат немавме технички проблеми, па ја објавуваме во сите досега за вас познати формати:

Како и секогаш за онлајн читање ја имате тука.

Достапни ви се и верзиите за симнување

Во популарниот pdf.

А за стрипаџиите и во cbz.

Минатата недела успеавме да ја објавиме епизодата само за онлајн читање. За оние кои сакаат да ја имаат во својата колекција и епизодата #07 Добредојдовте во летните денови, сега им се достапни и верзиите за симнување.

NHK#07 PDF

NHK #07 CBZ

Лого by The Jester

Манганација уште еднаш ги повикува сите заинтересирани да ни помогнат во овој или во некој нареден проект. Се бараат членови за:

превод од англиски на македонски јазик
проверка на преведениот текст
чистење на оригиналните скенирани страници
тајпсетирање на страниците со македонски текст

Сите заинтересирани да ни се јават или на мејлот на групата или на групата на фејсбук Japa.net.mk или директно овде во коментар - секоја помош е добредојдена.

Ве очекуваме ^_^

А вие и понатаму уживајте во Добредојдовте во Н.Х.К.

Гејша V.S. Оиран

2011-05-21T03:15:00.008+02:00

Кога станува збор за професијата на Гејшите, многумина прават голема грешка представувајќи го терминот Гејша како синоним за проститутка. Всушност, проститутките од Едо ерата во Јапонија се нарекуваат Оиран. Иако физички изгледаат премногу слично, постојат суштински разлики.

Што е Гејша?

Терминот Гејша е скован од два канџи симобола, геи (уметност) и ша (личност), што во буквален превод би значело уметник.
Девојките кои што сакале да станат гејши го започнувале ствојот тренинг многу мали. Ученичката за гејша се нарекува Маико (што значи дете што танцува). Девојките постари од 21 годишна возраст се сметаат за премногу стари за Маико, но во Токио на пример, девојките почнуваат да учат на 18 годишна возраст. На некои други места пак, почнуваат на 3 или 5 годишна возраст, иако постојат и случаи кога девојките станале целосни Гејши без да поминуваат низ Маико стадиум. Маико го започнува своето формално тренирање како Минараи (ученичка што седи од страна, гледа и учи). На почетокот наоѓа постара „ сестра“, Гејша која ќе и биде ментор во текот на целиот тренинг. Воглавно, се што треба ученичката да прави е да набљудува што нејзината постара сестра прави, да учи како да послужува чај, и некои други основни техники како играње и разговор. Оваа фаза трае речиси цел месец, а потоа од Минараи преминува во Маико, кога ученичката почнува да учи да танцува, мора да ги знае сите начини за послужување на чај, учи да свири шамисен итн.

Постојат 5 различни фризури за Маико и секоја од нив ја одликува фазата во која таа се наоѓа за време на својот тренинг. Сестрата на Маико обично помага во избирањето на новото професионално име на идната Гејша. Кога Маико ќе наполни 20 години, таа станува целоста Гејша и наплаќа полна цена за нејзиното време.
Она што го работи Гејшата е софистицирано забавување на мажите, свирење на шамисен, пеење, танцување, служење чај, учествување во разговори.

Што е Оиран?

Оиран се „девојки за задоволство“, односно проститутки кои се појавуваат во Едо ерата (1600 – 1868). Во тоа време во Јапонија, законот ги ограничува борделите и ги изолира од градовите. Во близина на Кјото, најпознат бордел бил Шимабара, Шимачи близу Осака, а во Едо (денешно Токио) Јошивара. Овие места за многу кратко време се здобиле со голема популарност нудејќи разно разни услуги.
Во светот на Оиран постоела хиреархија според убавина, карактер, едукација и талент. Тају се сметале за највисок ранк на проститутки кои им биле достапни единствено на богатите.
За да ги забавуваат своите клиенти, Оиран требало да имаат познавање од танц, музика, поезија, калиграфија и да бидат способни да водат софистициран разговор, но за разлика од Гејшата, тука се вбројуваат и сексуалните услуги.
Подемот на Гејшата става крај на Оиран, за да се дојде до Оиран потребно било да се понудат повеќе пари отколку да се биде во друштво на Гејша. Затоа за многу кратко време Гејшите ја надминуваат популарноста на Оиран. Последната регистрирана Оиран била во 1761-та година.

Дополнителни разлики помеѓу Гејша и Оиран:

- Оиран ги продаваат своите тела, додека пак клиентот на Гејшата знае дека не може да очекува ништо повеќе од разговор. Гејшата поминува низ церемонија наречена мизуаге, што значи губење на невиноста со патрон како последен чекор до комплетно станување Гејша. Парите добиени за мизуагето вообичаено е голема сума и се користи за промовирање на Гејшата или нејзината окија-куќата во која живее. Мизуагето не се смета за проститутски акт.

- Сандалите на Оиран се највисоките платформи кои што можат да се замислат и се нарекуваат кома-гета. Чевлите на Гејшата се нарекуваат зори.

- Оиран го врзувале своето оби напред, на стомакот, за полесно одврзување, а Гејшите го врзувале позади, на грбот.

- За разлика од Оиран, Гејшите никогаш не би дозволиле да го покажат своето голо стапало и носеле чорапи наречени таби.

- Кимоното на Гејшата представува слика, композиција на прекрасни бои и дизајн, и најчесто има повеќе слоеви од кимоното на Оиран, кое што се одликува со јаки и впечатливи бои.

- Оиран, за разлика од Гејша, носат повеќе украси и чешли во косата.

Добредојдовте во летните денови (Добредојдовте во НХК7)

2011-05-20T13:00:00.002+02:00

Продолжуваме со втората книга и втората нејзина глава, односно седмата епизоада од манга серијата Добредојдовте во НХК, Добредојдовте во летните денови.

Како и обично тука сме во петок во 13 часот со неделната доза.

Добредојдовте во летните денови:

онлајн

CBZ и PDF верзијата ќе ги објавиме накнадно, поради недовршените поправки од QC.

Бидејќи претходната недела не работеше едитирањето на блогспот, моравме објавите да ги пуштиме на друго место, а тоа беше на сајтот на групата кој сеуште е во изработка. Но, за да не го исгубиме тука конинуитетот, ќе ги ставиме линковите и овде за претходната епизода.

Добредојдовте во мораториумот:

CBZ верзија
PDF верзија

онлајн

Манга чинии

2011-05-19T18:47:00.008+02:00

Овие денови на сајтовите за дизајн се среќаваат, за нас јапанофилите, воодушевувачки фотографии од, замислете си само, чинии со манга позадина. Секоја чинија е дел од црно-бела манга табла, која оживува и добива карактер кога на неа ќе биде поставена храна во специфичен распоред. Оваа замислена приказна на масата е дипломско дело на Mika Tsutai.

Btw, фала на Zmija за информацијата ;)

Јапанорама 19 - The Sky Crawlers

2011-05-18T11:39:00.011+02:00

Новата Јапанорама, овој пат во недела 22 мај, 20:30 часот, во Клуб на новинари ви го прикажува анимираниот филм The Sky Crawlers (Sukai Kurora スカイ・クロラ) .

Златната двојка од култниот „Ghost in the shell“, Мамору Оши (режија) и Кенџи Каваи (музика), во 2008 се споија повторно во креацијата на уште едно прекрасно уметничко дело, кое дури по две години, ние решивме да ви го прикажеме со македонски превод.

Сукаи Курора e од оние филмови, што после гледањето ве оставаат да мислите на него со недели, иако додека го гледате не ви изгледа толку моќно. Toj не е динамичен како „Ghost in the Shell“ или апстрактен како „Angel egg“, но е нешто поинакво, нешто комбинирано и во исто време длабоко и опивно. Преку една тивка атмосфера пропратена со безвременската музика на Кенџи Каваи, ставена во контрапункт со брзи борбени акции на небото, Оши ја допира нашата потсвест поттикнувајќи размислувања за смислата на животот, постоењето и бескрајниот круг на времето. Слично како и во „Ghost in the shell“ и овде се разгледуваат прашањата за идентитетот и самосвеста при создавањето на вештачки живот, само што место киборзи, овде имаме клонови.

Филмот е доста добро прифатен и од критиката. Баше во официјалната селекција на филмскиот фестивал во Торонто и на 65 -тиот Венециски фестивал, каде што ја доби наградата за иновативна дигитална технологија искористена во филм (Future Film Festival Digital Award). Исто така има добиено и три награди на Каталонскиот интернационален фестивал Ситгес: награда на критиката Џозе Луис Гуарнер, најдобра музика за филм (за Кенџи Каваи) и најдобар филм за млада публика.

Подетална рецензија на филмот може да прочитате на блогот на еден наш член: poljaff_>>manga & anime<< - The sky Crawlers

Погледнете го краткиот трејлер, колку за да ја насетите атмосферата, и се гледаме во недела.

Впечатоците од Јапанизам 2009 во Белград

2011-05-10T22:37:00.008+02:00

На последната Јапанорама, која се оддржа во Клубот на новинари, на 07 Мај, ја имав можноста да запознаам наш член, Марјан Болтевски, од кого во краткиот разговор по завршувањето на проекцијата, осознав дека присуствувал на фестивалот Јапанизам во Белград во 2009тата година, во организација на Сакурабана. Тука накратко низ збор и слика ќе пренесеме дел од неговото искуство.

Марјан вели: "Мојата дружба со Сакурабана и БГ-аниме (и двете организации се споени) од Србија почнува некаде во 2007та. Како аниме и манга фан некое време барав македонски сајтови кои зборуваат општо за аниме/манга, јапонска уметност, филмови ит.н. Не можев да најдам македонски сајтови, а од балканските, само Сакурабана имаше поизразена активност. Се решив да станам нивен член и беа доста изненадени што Македонец им се придружил, ама одлично ме прифатија и супер се вклопив. Што се однесува до моето присуство на Јапанизам 2009, после две години дружба се случуваа дејства за собирање на средства за Јапанизам. Една другарка од Ниш, која беше меѓу главните за организирање на Косплеј забавата ме запраша дали ќе бидам таму. Иако немав во план да одам за Белград во тоа време, од различни причини, по неколку дена убадување од страна на членовите и организаторите, и по нејзината изјава дека "ќе плачеш што не си бил со нас", прифатив да одам. И не зажалив.

Еден од главните активисти на БГ-аниме беше мој домаќин и таму бев сместен за времетраење на целата манифестација, која траеше 5 дена. Првиот ден беше резервиран за отворањето на Јапанизам со говор на Јапонскиот амбасадор, па модна ревија на goth модели, изложба на манга цртежи. Послуга на пијалоци вршеа девојки облечени како French maids и на крајот на денот го даваа "20th century boys". Вториот ден имаше промоција на гејминг новитети од Јапонија, манга работилница, како и дискусија за тоа што е подобро, мангата или анимето. Хајлајт на денот беше едночасовната демонстрација на кендо. Тогаш за прв пат имав можност да видам кендо "up close", а денот се заокружи со прикажувањето на "The wings of Honneamise". Треттиот ден беше резервиран за дискусијата за табу теми кои се јавуваат во мангата/анимето и првобитната реакција на публиката, а на крајот на денот се проектираше "Tales from Earthsea". Претпоследниот ден имаше трибина на тема "Грешни задоволства" на тема hentai/ecchi, појаснување на термините и денот се заврши со настап на Gothic. За на крај беше оставена премиерата на "Ayakashi: classic Japanese horror", како и косплеј забавата.

Косплејот беше организиран на многу високо ниво, и траеше неколку саати. Немав замерка на ниту еден костим, а доминираат Naruto и Bleach косплеерите. Главната награда ја доби L од Death Note, но мои лични фаворити беа Sagara (FMP) и Spike (Cowboy bebop). Така заврши и петтиот, последен ден.

Се' на се' премногу сум задоволен од тоа како си поминав, и се надевам дека повторно ќе присуствувам на Јапанизам, како повеќе од гостин."

Занимлив потфат нема што, нешто што може и другите да го направиме. Секоја чест за потфатот и на Сакурабана и БГ-аниме, и им посакуваме долгогодишна и успешна организација на манифестацијата.

Галериите се достапни за Јапанизам 2009 тука и за Косплејот во негови рамки тука.

Добредојдовте во претпријатието (Добредојдовте во Н.Х.К. #05)

2011-05-06T13:00:00.001+02:00

Денес ви ја претставуваме петтата епизода „Добредојдовте во претпријатието“. Со тоа успешно го завршуваме првиот том од вкупно осум од манга серијата „Добредојдовте во НХК“.

Бидејќи сајтот ни е сеуште во припреми, ве молиме за трпение додека сеуште ги симнувате pdf и cbz верзиите од Megaupload.

А, како и претходно, во страниците на мангата можете онлајн да уживате на истото место.

Уживајте!

Јапанорама 18 - Wicked city - Патување во 80тите

2011-05-03T13:42:00.007+02:00

За осумнаесеттото издание на Јапанорама, патуваме назад во 1987 та година. Изборот падна на анимето "Wicked city", класифицирано како анимиран neo-noir хорор, режирано од страна на Yoshiaki Kawajiri, а изработено според истоименото книжевно дело на Hideyuki Kikuchi.

Дејството се случува на крајот на 20тиот век, каде се разврзува приказната за можната коегзистенција на човечкото и опшетството на демоните. Со голем број на хорор, акциони, роамнтични, но и порно сцени, ова е едно мошне интересно остварување, кое секој аниме љубител мора да го има во неговата листа.

Во Сабота, 07ми Мај 2011 година, Јапа.нет.мк во соработка со Клубот на новинари - Скопје, ви нуди една убава можност да погледнете солидно аниме во добро друштво и со македонски превод.

Добредојдовте во училницата (Добредојдовте во НХК #04)

2011-04-29T13:00:00.003+02:00

Се надевам веќе почнува да ви преминува во навика да го посетувате нашиот блог за петочните апдејти на мангата „Добредојдовте во Н.Х.К.“

Овој петок, претпразнично Манганација ви ја претставува најновата, 4-та епизода „Добредојдовте во училницата“. Се надеваме дека ќе уживате и во неа.

За онлајн читање можете да ја најдете овде.

И како и секогаш pdf и cbz верзиите за симнување.

Среќни празници!

Добредојдовте во новиот свет (Добредојдовте во НХК 3)

2011-04-21T13:00:00.002+02:00

Продолжуваме со третата преведена епизода на манга серијата „Добредојдовте во НХК“.
Оваа недела порано, во четврток, зашто од петок почнуваат празниците, па решивме да ве почестиме.

Pdf верзијата за симнување тука
CBZ стрипџиите можат да ја симнат тука

И за онлајн читање на истото место кај што се и претходните.

Среќни Велигденски празници!

Добредојдовте во НХК 2

2011-04-15T13:00:00.005+02:00

Додека сеуште е во припрема посебен сајт, постовите со објава на новиот проект на групата за сканлација ќе се објавуваат на нашиот блог.

Како што ви ветивме, секој петок Манганација објавува по една епизода од проектот „Добредојдовте во НХК“. Денес, ја објавуваме втората епизода „Добредојдовте во Лолита“.

Може да ја симнете
- во pdf верзија
- во cbz верзија

А можете и онлајн да ја читате тука

Уште еднаш ги повикуваме сите заинтересирани да ни се придружат во подготовка на овој или некој нареден проект на Манганација . Групата е отворена, па повелете приклучете се.

Со Самурај X и Јапанорама 17 на Сакура 2011

2011-04-11T22:13:00.019+02:00

Традиционално пратејќи ја Сакура, фестивалот на цветање на црешите, кој се слави на улица Максим Горки во организација на Самураj Доџото од Скопје, Јапа.нет.мк се придружува со нова проекција на Јапанорама.

Фестивалот за Ханами, традициналнo гледање на црешовите цветови, во Јапонија е поврзан со почетокот на школската и фискалната година, па така и новата Јапанорама е прва годинава, а седумнаесетта по ред воопшто. Овој пат сме во нов простор, во Клубот на новинари на 16.04.2011 (сабота) во 20.00 часот ќе уживате во драматичната, трагична и едноставно прекрасна приказна: Samurai X: Trust & Betrayal (или Rurouni Kenshin: Tsuiokuhen), оригинална видео анимација (OVA/OAV) составена од 4 полчасовни епизоди.

Ова е измислена сторија поставена во историската рамка на Bakumatsu периодот во Јапонија. Анимето раскажува за Химура Кеншин, за детето кое беше, бесчуствителниот убиец кој мораше да стане и за гревовите за кои подоцна се искупува носејќи го својот sakabatō (мечот со превртено сечило). За тоа како стана легендарниот Battōsai и како ја носи својата лузна со форма на Х на лицето (оттука, самураи Х).

Ликовите се впечатливи и привлечни елементи кои ја дополнуваат грандиозноста на целата анимација. Наспроти нивното споро градење низ текот на анимето, прикажани се крвави и брзи сцени на борби со мечеви во реалистичната техника. Ова аниме успева воодушевувачки успешно да го искомбинира насилството и динамиката на борбите со трагичните ликови и приказната која ги поврзува.

Се надеваме дека автентичниот приказ на Јапонија и историскиот период во кој се одвива дејството ќе бидат доволни интересни да ви го задржат вниманието во двочасовната проекција за отварање на новата сезона на проекции на Јапанорама.

Добредојдовте во НХК 1

2011-04-08T13:00:00.001+02:00

Манганација продолжи со работа и веќе го започна својот втор посериозен проект, кој веќе го најавивме, а тоа е сканализацијата на серијата „Добредојдовте во НХК“.
Од денес, петок 8 април 2011, секој петок ќе излегува нова преведена епизода од серијата. Доколку имаме некое прескокнување, поради празник или слично, ќе биде најавено тука на блогот. Денес ја објавуваме првата епизода со наслов „Добредојдовте во проектот“.

Инаку „Добредојдовте во НХК“ е манга базирана врз истоимена новела на авторот Тацушико Такимото. Приказната се развива околу дваесет и две годишен хикикомори и претставува еден вид критика на болестите на модерното јапонско општество. Хикикомори претставува социјално повлекување и потполно затворање од светот, а во последнава декада во Јапонија станува сериозен општествен проблем поради распространетоста и зачестеноста. Покрај овој феномен во мангата се обработени и други општествени феномени на јапонското општество како: лолита комплекс или лоликон(рорикон), интернет самоубиство, како и голем дел од отаку субкултурата.

Скратеницата НХК во Јапонија се однесува на јапонската национална телевизија (Nippon Hōsō Kyōkai), но во мангата е заменета со параноичната идеја на главниот лик за организацијата која создава хикикомори (Nihon Hikikomori Kyōkai), повторно алудирајќи на телевизијата и целата отаку аниме култура.

Можеби ова на многумина ќе им се види како нешто далечно, но ќе се изненадите колкав дел од овие феномени стануваат реалност и во нашето општество и како по еден хикикомори лежи во секој од нас.

Ова е колку да ве воведам, а развојот на приказната ќе го доживеете сами читајќи ја мангата на македонски секој петок.

Сега може да ја симнете

- во pdf верзија

- во cbz верзија

А можете и онлајн да ја читате тука

Анимираниот Tokyo Magnitude 8.0

2011-03-22T12:50:00.004+01:00

Во 2009 година на телевизијата Фуџи од продукциската куќа Боунс во Јапонија беше промовиран аниме проектот Tokyo Magnitude 8.0 под претпоставка дека во наредните 30 години Токио може да биде погоден од земјотрес со јачина на 7.0 степени (јапонска скала). Во најавната шпица стои дека „оваа измислена приказна која ги опфаќа условите кога Токио би бил погоден од масивен земјотрес, е базирана на бројни истражувања и потврдени податоци. Целејќи кон чувство на реализам, беа разгледувани бројни симулации со цел да се создаде оригинална приказна, но сепак околностите би можеле да бидат различни од вистинскиот удар“.

Приказната се одвива во 2012 година кога две деца се затекнати од силен замјотрес. Девојчето Мираи на почетокот на летниот распуст го води своето помало братче Јуки на изложба на роботи. Пристигајќи на Одаиба, силен удар од дното на океанот го разнишува тлото, дига високи бранови, ја руши Кулата на Токио и Мостот Виножито, и пејсажот на Токио се менува во секунда. Со помош на возрасната Мари, која случајно се затекнува на истото место во истиот момент, децата се трудат да стигнат до својот дом во Сетагаја, во западен Токио.

Тие се интересна тројка: Мираи која влегува во пубертетот, со став дека светот се свртил против неа, малечкиот Јуки - постојано весел и игрив, и силната Мари која секогаш има смирувачка прегратка за двајцата. Дејствието оди полека, без да брза до крајот на малкуте епизоди, вкупно 11. Поминувајќи преку срушени згради, покрај засолништа за раселените, низ мноштво човечки трагедии, Мираи да впие дел од позитивната енергија на нејзиното братче, Јуки расте малку повеќе, по примерот на постарата прагматична сестра, a Мари открива дека, сепак, не е толку цврста и неранлива.

Токио се руши, се рамнат згради до земја, се виткаат мостови, се превртуваат бродови, избувнуваат пожари. Анимето се фокусира на деталите на една таква несреќа, на расцепите во улиците и тротораите, на извитканото железо, на распрсканото стакло. Но уште повеќе, се фокусира на човечкиот реализам, на подготвеноста да се помогне, на неподлегањето на паниката, на издржливоста, на координацијата, на стабилноста на цела една нација.

Низ анимираната приказна за патот до дома, преку трагедијата на земјотресите која е толку тесно поврзана за тлото и животот во Јапонија, дознав многу повеќе за свеста и честа на јапонците, уште пред да ја видам Јапонија каква што ја гледам во последниве 2 недели - под катастрофата која ја доживеа на 11-ти март годинава. Пред година и пол кога го гледав анимето напишав на мојот блог „Некако на крајот, не сакам ни да замислам колку би можело да е пореално, пострашно од ова...“ Деновиве, дури гледав на интернет и ТВ колку е пореално, кога читав статии и следев и споделував на twitter и Facebook, и разговарав со пријатели овде и во Јапонија, сфатив колку е многу пострашно.

Не сум обучена за итни случаеви, не сум ни волонтер во некоја глобална хуманитарна организација, немам влијание ниту социјални врски да делувам на некое повисоко ниво, и сепак не дозволувам да се чувствувам немоќно во оваа катастрофа. Добивме критика дека не правиме ништо како група. За мене лично, контактот со мојот пријател Каору во Токио, продолжувањето со работните и личните обврски, како и пишувањето на овој блог за работи (вклучително и за аниме) поврзани со Јапонија, земјата која искрено ја сакам, се’ доказ за поддршка.

Јас сум сигурна дека повеќето од нас донираа на телефонските броеви и на сметките на Црвен крст отворени за донации за Јапонија. Дека многу од нас ќе присуствуваат на добротворниот концерт утре вечер во МКЦ. И најмногу од се’ дека сите се придружуваме до глобалната поддршка што ја дава светот на Јапонија. Во моментов во Јапонија има доволно обучени домашни и странски волонтери за медицинска помош и спасување, за заштита на децата, за изградба на привремени живеалишта, за вдомување на животните и сл. Има доволно глобални сметки на кои може да се помогне со парична помош. Јапонија ќе каже што точно и’ треба од светот и ќе застане пак на нозе, како што застанала и по толку многу претходни и страшни трагедии.
Еве еден од многуте линкови: What can you do to help Japan
Конечно, секое дигање паника, секое покажување со прст и секој израз на немоќ е контра мотото „Мирно и заедно“. Едно нешто, што сигурно можеме сите ние да го направиме за Јапонија после оваа катастрофа, е да научиме да бидеме подобри во однесувањето, кон себе самите, кон непознатиот до нас и пред се’ кон нас како народ.

Помош за Јапонија

2011-03-21T13:54:00.003+01:00

Средствата можат да се уплатат во Фондот на солидарност на Црвениот крст на Република Македонија на жиро сметка: 300000001327966, даночен број 4030984271620 АД Комерцијална банка со назнака за настраданото население во Јапонија, како и да се донираат 100 денари со повик на телефонските броеви: 070 143-400, 075 143-400 и 077 143-400.

Исто така може да помогнете со тоа што ќе купите еден од овие принтови: Види тука

Go, Igo, WeiQi, Baduk - Дали сте слушнале за оваа игра што е популарна во Јапонија?

2011-03-14T20:39:00.006+01:00

Го е древна азиска игра. По легенда, Го се појавил во Кина пред 4000 години. Во секој случај, факт е дека е најстара игра на табла која се игра со непроменети правила.

Го се игра на дрвена табла („Гобан“) на која се наоѓа мрежа од 19 хоризонтални и 19 вертикални линии. Фигурите се викаат „камења“, а сите се еднакви и за секој од нив важат истите правила. Просечна партија трае околу 250 потези. Временски може да трае од 15 мин до повеќе месеци. Постои категоризација по јачина од 30 kyu па се до 1 kyu, после него доаѓа 1 dan итн. до 7 dan.

Го денес е најпопуларна во Кина под името „WeiQi“, Јужна Кореја „Baduk“ и Јапонија „Igo“.

Бидејќи во просечна позиција во една партија играчот имат голем број можни потези - играчите немаат доволно време да размислуваат за секој од нив и затоа најчесто се игра интуитивно. Поради тоа Го е посебно тежок проблем за програмерите кои пробуваат да испрограмираат совршен програм. Најакиот програм денес има категорија 7 kyu.

Споредба на Го со Шах

Двете игри Го и Шах се стратешки игри. Обете се вредни да се научат и играат. Го е поедноставна од Шах но и многу посложена. Поедноставна бидејќи сите фигури се исти, само црни и бели, и во Го фигурите не се движат на таблата.

Шахот е хиерархиска игра каде целта е да се фати лидерот. Го е империјална игра каде секој играч треба да обезбеди повеќе територија на таблата отколку неговиот непријател.

Го има добро балансиран хендикеп систем кој дозволува појак играч да игра со послаб игра и да биде целосен предизвик. Со точен хендикеп секој играч ќе има еднакви можности за победа.

Како прв потег во Шахот можни се 20 различни движења. Во Го на почетокот се можни 361 различен потег. Овој широк опсег на можности продолжува во текот на играта.

Кога е измислена играта?
Шах: Околу 455 н.е
Го: Околу 2000 п.н.е

Каде е измислена?
Шах: Веројатно во Индија (Историчарите не се сигурни за местото на потекло.)
Го: Во Кина.

Дали правилата се едноставни?
Шах: Да.
Го: Да.

Што е целта на играта?
Шах: Да се матира Кралот.
Го: Да се заземе повеќе територија отколку непријателот.

Како изгледа таблата?
Шах: 8 на 8 различни црни и бели полиња.
Го: 19 на 19 мрежа.

Какви видови на фигури има?
Шах: Крал, Кралица, Ловец, Коњ, Топ и Пиун.
Го: Сите фигури се исти.

Како изгледаат фигурите?
Шах: Различна репрезентација на крал, кралица, ловец, коњ, топ и пиун.
Го: Биконвексни дискови наречени „камења“ црни и бели.

Каде се поставуваат фигурите?
Шах: Во квадрат.
Го: На празен пресек (пресек на вертикалните и хоризонталните линии)

Можат ли да се движат фигурите?
Шах: Да.
Го: Не.

Како изгледа таблата на почеток на игра?
Шах: На таблата се наоѓаат сите фигури.
Го: Празна.

Кој игра прв?
Шах: Белиот.
Го: Црниот.

Кои сили се присутни во играта?
Шах: Деструктивна.
Го: Креативна и деструктивна.

Кои ментални вештини се вежбаат кога личноста ја игра оваа игра?
Шах: Аналитичка; ја користи левата хемисфера од мозокот.
Го: Интуитивна и аналитичка; ги користи двете хемисфери.

Што би бил воен еквивалент на играта?
Шах: Една борба.
Го: Цела војна; симултано повеќе борби.

Што би бил економски еквивалент на играта?
Шах: Уништување на кокуренцијата.
Го: Натпревар за поголем дел од пазарот.

Аналогија на политички систем?
Шах: Монархија.
Го: Демократија; сите фигури се еднакви.

Која е агендата на играчот?
Шах: Тотална доминација; уништи го непријателот.
Го: Натпревар за поголем дел од територијата; коегзистенција, но биди подобар од другиот играч.

Кој е заинтересиран да ја научи играва може многу лесно на оваа страна: http://playgo.to/iwtg/en/

Многу брзо се учи, но е потребно време за усовршување.

Текстот е објавен на ѕид на FB од Филип Паскали со надеж дека еден ден ќе стане и кај нас популарна.

BTW, Филип ни дава и предлог за манга со тематиката на овој пост
Hikaru no Go

Манганација растура ^ ^

2011-03-11T22:10:00.004+01:00

Во Македонија конечно се оформи група за сканлација наречена Манганација. Сега за сега сме 12 души од различни профили кои се собравме со една цел, да преведувме манга и да го делиме задоволството на читање на манга со останатите кои досега тоа не го правеле.

Денес го објавуваме нашиот прв сканалциски проект „Кошмарот на измислиците“, кратка приказна поврзана со познатата аниме серија „Серискиот експеримент Лејн“ (Serial Experiments Lain). Таа всушност е бонус приказна во артбукот „Сеприсутноста на Лејн во Вајрд“ (Lain Omnipresence in Wired) и е прилично самостојна. Не мора да сте ја гледале серијата за да ја читате, но може да ви биде како тизер за да ја изгледате. Во оваа намера со се’ срце ве поддржуваме :)

Автор на оваа манга е Јошитоши АБе (ABe, Yoshitoshi), кој е исто така оригинален креатор на серијата. Но сосем коинцидентно АБе е и цртач на мангата „Добредојдовте во НХК“ која е всушност токму манга серијата која се зафативме да ја сканлираме и би требало наскоро редовно да почнете да ја добивате преведена епизода по епизода.

Од време на време, пак ќе имаме и по некоја ваква кратка манга за освежување. Па да се надеваме деке убаво ќе ни тргне.

Инаку, мангата е во боја и има 18 страници. фајлот за симнување е 50MB.
За симнување ја имаме во различен формат, па изберете кој ви одговара.

Кошмарот на измислиците.cbz - за оние кои се научени да читаат стрипови и имаат софтвер со кој го прават тоа
Кошмарот на измислиците.pdf - спакувана за лесно читање за сите :)

Тука пак, може да ја читате online целата манга без да ја симнувате и е помалку од 50MB :)
...

Уникатниот Јапонски Хорор

2011-03-07T17:09:00.009+01:00

Додека Холивуд снемува идеи за хорор филмови, губи од квалитетот и оригиналноста, Јапонскиот хорор филм несомнено со години наназад стои на врвот, одземајќи и го здивот на својата публика со најморбидните и најужасните приказни за неправдата, одмаздата, проклетствата и надприродните сили, претставувајќи инспирација за снимање на американски верзии од истите.

Овој документарец открива кои се симболиките позади класиците The Ring, Audition, Suicide Club и The Grudge, и како тие го поврзуваат реалното со нереалното, живиот со мртвиот свет, и причината за тоа што најчестата форма на бесен дух кој се одмаздува е токму жена во бело, со коса преку лицето.

* Документарецот се однесува на Јапонскиот хорор филм, но опфаќа и неколку Корејски, Тајландски и Кинески филмови заради споредба и општ осврт на Азијскиот филм наспроти Американскиот и Европскиот.

1. Јапонскиот Хорор ( Discovery ) Прв дел:

2. Јапонскиот Хорор ( Discovery ) Втор дел:

3. Јапонскиот Хорор ( Discovery ) Трет дел:

Watch Asian Horror Movies Online

Download the best Asian Movies Torrents from AvistaZ

Seijin no Hi - празникот на зрелоста

2011-03-02T09:49:00.010+01:00

Еве еден прекрасен празник во Јапонија. Seijin no Hi (成人の日) е празник кој ја слави зрелоста, односно е наменет да ги охрабри младите кои наполниле или ќе наполнат 20 години, во периодот од претходниот 1 Април до овој 31 Март.

Церемониите се одржуваат во Јапонија од 714 г., кога млад принц се накитил со нова облека и фризура за да ја прослави својата зрелост. Во минатото, во Едо периодот (1603-1868), на момчињата им биле отсекувани шишките, а на девојките им биле боени црни предните заби.
Поставен е како празник во 1948г, кој традиционално се слави до 2000 на 15ти јануари, а од тогаш, вториот понеделник од јануари. Ваквата промена се должи на промените во законот во Јапонија - т.н. Happy Monday System - кога голем број празници се поместени во понеделник, за да се овозможи тридневен викенд за оние кои имаат петдневна работна недела. (практично, нели?)

Во зимските ладни и врнежливи денови, прекрасно е да се види шаренилото на улиците. Девојките носат цветни furisode, kimono со многу долги џебови на ракавите, и zori сандали. Одат во салони за да направат фризури и често изнајмуваат формална облека, која вообичаено е многу скапа да се купи. Момчињата носат темно kimono со hakama, но последните години се’ почесто се среќаваат и во формални западњачки облеки.

Празникот е национален и тој понеделник е неработен. Локалната управа обично одржува церемонија за дочекување на новите „возрасни“ во заедницата, нагласувајќи дека со новите зголемени права, како возрасни имаат и зголемени одговорности. После церемонијата, младите обично се групираат и прават забави, нормално, славејќи го правото на легално пиење алкохол.

Интернационализација на мангата –САД

2011-02-25T00:32:00.008+01:00

Со големо и неоправдано закаснување, ова е мојот текст на тема манга од третиот број на „Синдром“, со моментално изоставена рецензија на Голго 13. Уживајте.

Интернационализација на мангата –САД

Иако мангата во Јапонската уметност е присутна од XIXX век, а станува многу популарна и ја добива денешната форма непосредно по Втората светска војна, пробивањето и популизирањето на мангата на другите пазари започнува три децении подоцна. Успехот на мангата во САД, првенствено се должи на популарноста на анимето, кое веќе го имало освоено Американскиот пазар. Па така љубителите на аниме уште од 70те биле свесни за постоењето на манга и покажувале интерес за истата. Меѓутоа во тој период мангата била тешко достапна, пред сè поради јазичните разлики; додека било лесно да се најде превод за аниме на англиски, наоѓањето на преведена манга било многу потешко.

Но интересот за манга бил согледан и така во 80те години почнуваат да се појавуваат првите преведени манги на англиски јазик. Меѓу нив можеме да ги вброиме: Barefoot Gen, Golgo 13 (1986), Lone Wolf and Cub (1987), Akira (1988), Appleseed (1988), Ghost in the shell (90-те) итн. Од 90те години наваму популарноста на мангата континуирано расте, така да истата денес претставува значаен дел од пазарот на стрипови во САД, но и Канада со учество од 175 милиони долари во 2008та година.

Hideyuki Nakayama - O House

2011-02-20T19:28:00.006+01:00

Текстот е објавен на architect.mk

Современите јапонски архитекти секојдневно изненадуваат со интересни и оригинални решенија со кои се справуваат со малите и тесни локации во пренаселените градови. Еден од последните примери е Куќата О на Хидејуки Накајама, пренагласена и во форма и во простор.

Лоцирана е во прекрасна зона на стариот дел од градот Кјото и е изградена како лепенка на главната двокатна куќа. Волуменот на новоизградениот објект делува како замок или како кула, зависно од аголот од кој ја гледате.

Името го добила по централниот простор околу кој, како синусоида се распоредени просториите на челични платформи на различни нивои и со невообичаени меѓуодноси. За да се стигне до вториот кат на кој се наоѓаат спалните, треба да се пројде низ целиот приземен дел на објектот до почетокот на скалиштето од задната страна кон дворот.
Со тоа се „доаѓа дома“ наместо да се „доаѓа до спалната соба“.

Проѕирниот калкан кон улицата, обработен во стакло, доловува слика на „куќа за кукли“ во која приватноста се контролира со единствена завеса преку двата ката. Со тоа духовито се внесени внатре сликата и животот на градот и изложени кон него активностите во куќата.

Мора да се признае дека архитектот му дал невообичаена шанса на четиричленото семејство на уредникот на dezain.net - Еизо Окада низ секојдневниот живот во овој додаток на куќата, да ја трансформира во простор за живеење и/или во градски простор.

Вижуал Кеи ( Visual Kei - ヴィジュアル系 – vijuaru kei )

2011-02-13T21:58:00.012+01:00

Пребарувајќи по старите постови, забележав само еден пост кој се однесува на Visual Kei движењето во Јапонија. Во овој пост јас само би се задржала на суштината која стои позади овој стил и би обработила неколку гранки на истиот.

Терминологија

Терминот Вижуал Кеи самиот по себе означува Визуелен Стил (kei – style in Japanese). Претставува движење во јапонската рок и поп музика (најчесто означена како Jrock и Jpop ) кое го зема својот замав во доцните 80-ти години и до ден денешен се обидува да го најде својот пат низ останатите земји од светот. Во последно време Вижуал Кеи станува се попопуларен и поприфатен како во Јапонија така и во Јужна Кореа, Русија, САД и некои Европски држави како, Германија, Франција, Шпанија, Словенија,скандинависките земји итн.

Како што самото име на стилот кажува, Вижуал Кеи претставува визуелен начин на изразување на музичарите кои го подржуваат овој стил. Без разлика на жанрот на музика кои тие го свират, (поп, рок, метал, панк, електро) ако станува збор за Вижуал Кеи бенд, тука секако постои нешто што тие би сакале да го изразат преку нивната визуелна појава. Најчесто носат ексцентрична, впечатлива, понекогаш дури и агресивна облека, прават необични фризури и носат тешка шминка што прави мажите да изгледаат женствено, и се разбира, тоа е намерно. Сепак, тоа нема никаква врска со сексуалната определба на еден Вижуал Кеи музичар.

Позадина

Едно од најпоставуваните прашања во врска со Вижуал Кеи е: Зошто мажите се облекуваат како жени и дали воопшто постојат жени помеѓу Вижуал Кеи артистите?

Да, жени учествуваат во Вижуал Кеи движењето. Exist Trace и Danger Gang се само едни од нив. Но доколку се направи компарација помеѓу женските Вижуал Кеи артисти и машките, очигледно е дека најголем дел од мажите се стремат кон женствен изглед, додека пак жените се стремат по помажествен изглед (секако, секогаш постојат исклучоци). Тука се поставува прашањето, на што се должи оваа андрогеност? Според некои извори, идејата зад Вижуал Кеи води потекло од историјата. Некои велат дека концептот потекнува од Кабуки театарот од Едо периодот кога на жените не им било дозволено да учествуваат во претставите, па женските улоги ги играле мажи кои биле облечени и нашминкани како жени. Други пак велат дека целата идеја Вижуал Кеи ја црпи од фактот што гејшите во почетокот биле мажи.

Но, што станува сега со женските Вижуал Кеи артисти кои се облекуваат како мажи? Според некои, тоа е резултат на интеграцијата на жената во општеството, нејзиното стекнување еднакви права со мажите, право на едукација и работа.

На крај може да се дојде до еден заклучок дека постојат различни сфаќања и интерпретации на „поентата“ на овој стил. Крајниот резултат е: андрогени мажи и жени, кои вложуваат напор и волја во усогласувањето на нивната визуелна појава со тематиката на нивната музика. Сега полот не е важен, важно е она што нивната музика го пренесува. И повторно, не може да се истакне само едното или само другото. Музиката и визуелниот ефект се еднакво важни за Вижуал Кеи.

Освен историските и традиционални корени, огромно влијание врз изгледот на Вижуал Кеи артистите има глам рокот кој потекнува од Америка, панкот, гот субкултурата, па дури и сајберпанкот.

Малку историја

За пионери на Вижуал Кеи се сметаат бендовите X-Japan, D'erlanger , Luna Sea, Buck-Tick, Penicillin, Malice Mizer и Color.
Терминот Вижуал Кеи води потекло од едно од слоганите на X-Japan: “Psychedelic violence crime of visual shock” .

X-Japan се сметаат за почетници на ова движење, но некои не се согласуваат и велат дека овој стил постоел и пред нив. Повеќе информации за почетоците и стилот на овој бенд, како и изјави од страна на членовите на бендот можете да прочитате тука. The Visual Kei Phenomenon.

Денес постојат огромен број на Вижуал Кеи бендови кои прават најразлична музика, постојат голем број на под-гранки на Вижуал Кеи. Едни од најпознатите бендови денес се: Dir En Grey, The Gazette, An Café, Mucc, Moi Dix Mois, D’esparirsRay , L’Arc~en~Ciel , и др. Меѓу најпознатите соло изведувачи пак се наоѓаат Gackt и Miyavi.

Гранки на Вижуал Кеи:

Преземено од http://mm-content-blah.blogspot.com/ и Visual kei (reportaje escrito x mi)

Коте Коте Кеи (Kote Kote Kei) : Типична слика за традиционалниот олд-скул Вижуал Кеи. Кожни детално исработени костими, екстремни, големи фризури (во јаки бои, најчесто тапирани), бели лица, јака шминка, тежок црн eyeliner и кармин. Овој стил вклучува рози, крстови и крв. Пример: Phantasmagoria, Due Le Quartz, Baiser, Metis Gretel итн.

Ошаре Кеи (Oshare Kei): Овој збор во Јапонскиот јазик означува елегантно или пак некој со стил. Се карактеризира со светли и јаки бои, шарени костими, фризури во повеќе бои, најзастапени: сина, зелена, розева, виолетова. Изгледаат весело, шарено, разиграно и детинесто. Пример: An Café, SuG , Aicle, Ayabie, Lolita23q, итн.

Ангура Кеи(Angura Kei): Доаѓа од зборот „underground“. Се карактеризираат со традиционален јапонски изглед: кимоно, лепези, но една темна варијанта од сето тоа. Пример: Inugami Circus-dan, Byakura, Kagrra, Dokusatsu terrorist, Onmyouza, итн.

Ерогуро Кеи (Eroguro Kei): Доаѓа од зборовите Erotic Grotesque. Ерогуро во суштина е уметничко движење во 20-тите и 30-тите години во Јапонија. Делува мрачно, црни костими, црна шминка, неприродно, извештатено, злобно. Пример: Mucc, Kagerou, Cali Gari, UnsraW, Candy Spooky Theatre, итн.

Широнури Кеи (Shoronuri Kei): Наликуваат на училишни банди, носат училишни униформи или традиционална Јапонска облека, рефлектираат темно детство. Се карактеризираат со бели лица и црни очи и усни. Пример: Cosmo - Shiku, итн.

Нагоја Кеи (Nagoya Kei): Претставува огледало на стилот популарен во близина на Нагоја, Јапонија. Делува мрачно, инспирирано од Британските панк, рок бендови. Пример: Deadman, Kein, the Studs, Girugamesh, итн.

Шибуја Кеи (Shibuya Kei): Води потекло од Шибуја. Најдобро е опишано како микс на џез, поп и електропоп. Пример: Muchi Muchi Anago

Курофуку Кеи (Kurofuku Kei): Доаѓа од јапонските зборови kuroi fuku = темна облека. Речиси е еднаков на Нагоја Кеи, освен што не изгледа толку „формално“ и „трезно“. Пример: Luna Sea.

Ирјоo Кеи (Iryou Kei): Облечени се како лекари и болничари. Носат бели мантили и медицинска опрема. Пример: Lulu, Sex – Android.

Освен овие, постојат и: Elegant Aristocrat Gothic Kei (Lareine, Malice Mizer); Deburo Kei ( D’espairsRay); White Kei ( Alice Nine), Koi Kei (Miyavi, Gackt, The Gazette); Toroteru Kei (Hide, Miyavi, Jun); Cosplay Kei; Neo Visual (Clothoid Doll, Exist Trace, Danger Gang) Ouji Kei (Versailles).

Викторијанци во Хараџуку

2011-02-10T22:44:00.008+01:00

Сте го слушнале изразот дека модата е како бумеранг? Епа ова не е далеку од вистината!

Хараџуку е познат регион во Токио каде што се собираат сите љубители на алтернативен стил на облекување како и косплејери.

Сите кои побарале Harajuku на Google Images ги имаат видено овие личности.

Замислата дека модата што се гледа таму е релативно нова и нема корења во минатото е до одреден процент неточна поради тоа што на светло излегуваат стилови инспирирани од модата во 19тиот век во Британија. Викторијанската мода зема силен замав и на истокот и покрај тоа што "спие" веќе два века.

Покрај веќе добро познатиот лолита стил се појавува и нејзиниот машки еквивалент наречен кодона.

Кодона потекнува од два јапонски збора: (こども) кодомо што значи дете и (おとな) отона што значи возрасен.

Се карактеризира со елегантен изглед кој го имале аристократските деца во викторијанската доба, но и не е ограничен со конкретен шаблон или со ограничени бои.

Од едноставен до сложен, овој стил остава огромен простор за креативност и интересно е што е лесно изводлив и на нашите простори.

Од лично искуство можам да кажам дека со малку пари и малку време може да се оформи еден достоен кодона комплет.

Со овие три слики се претставени неколку варијанти на изгледот. Како што можете да забележите не е ни фиксиран со полови граници. Исто така 90% од тоа што го гледате на сликите може да се купи и во нашите трговски центри, но еден од најкарактеристичните елементи на изгледот – краватата може да се изработи на шнајдер или доколку знаете можете и сами, а доколку сакате поедноставно можете и да искористите обична кравата.

Друг карактеристичен елемент се 3/4 панталоните и чорапи во риги. За среќа и двете можат лесно да се најдат, а и стандардни црни панталони се ОК.

Капутите се најчесто од памук или чоја и еден сличен капут ќе чини околу 2800 денари, но доколку имате нешто слично употребливо е.

Капите што се користат во овој изглед се цилиндар шешири (tophats), качкети и федори за машки и мали шешири (mini tophat/ lolita hat) за женски. Овој дел од облеката и не е обавезен, но сепак дава поелегантна и викторијанска нишка на изгледот.

Маици со испринтан дизајн се користат во изгледот но само во втората варијанта каде е даден punk kodona изгледот, а во секој друг се користат претежно бели или црни кошули.

Ова се фундаменталните делови на кодона комплет, останатото останува на Вас и вашата креативност. Доколку сакате повеќе информации за тоа како да се облакате во кодона стил побарајте на Google и ќе најдете информации и слики кои ќе Ви помогнат во изборот.

Seagaia Ocean Dome - совршената плажа во секој дел од годината

2010-08-12T12:13:00.006+02:00

Лоциран во Miyazaki, Miyazaki, на југот на Јапонија, со целата своја велелепност, се простира најголемиот затворен воден парк во светот, Seagaia Ocean Dome, дел од Sheraton Seagaia Ocean Resort. Паркот е со импозантни димензии од 300m должина и 100m широчина, има покрив кој се отвора и затвора во зависност од временските услови, што овозможува убаво сино небо дури и во облачни денови. Темпреатурата на воздухот е 30оC, а додека на водата 28oC, што претставуваат идеалните услови за летно време.
Инспирацијата за еден ваков импозантен објект се секако не многу топлите врнежливи лета во Јапонија, проследени со голема влажност на воздухот. Во 2007 година бил затворен заради реновирање, за да во 2009, по реотварањето на објектот, посетеноста му се вдвои.
Самиот објект, освен симулација на перфектна плажа, нуди и многу други пропратни содржини, како на пример, активен вулкан, хај-тек машинерија за правење на вештачки бранови, како и плажа со ситен бел мермерен песок, идентичен на вистинскиот, но кој не се прилепува за стапалата (OMG).
Еве и некое сличе од овој објект, кој е впишан во Гинисовата книга на рекорди:

Иц коктејл тајм!

2010-08-06T13:07:00.022+02:00

Летото, кога се во прашање софистицираните пијалоци, се врзува најчесто за коктелите. Овој пат ќе се позанимаваме со типовите на коктели карактеристични за Јапонија и типичните алкохолни пијалоци кои се користат за таа цел.
Типичните јапонски коктели се базираат генерално на sake, shochu и јапонско виски, но има и коктели базирани на пиво. За сакето се вели дека е идеална база за мешање со пијалоци кои имаат ниска до средна концентрација на алкохол. Лесно и хармонично се вклопува со многу алкохоли, при тоа давајќи им специфичен вкус на коктелите. Во денешно време, кога сакето е достапно насекаде, коктелите добиваат нова димензија, токму поради несекојдневната сензација која ја дава вкусот на саке коктелот.

Шоучу-то, кое е слично на сакето, се користи исто така коктели, и тоа од типот Korui (кое се добива со повеќекратна дестилација). Во денешно време shochu коктелите се продаваат во конзерви и се наречени “Chu-hai”, а може да се најдат скоро секаде во Јапонија, од автомати за пијалоци на улиците, разни типови на маркети, па дури и во киосците во метрото. Ги има со разни вкусови: грејпфрут, лимон, лајм, праска, јагода, слива и многу други.

Јапонците на одмор во странство

2010-08-05T08:37:00.012+02:00

Овој пат ќе се позанимавам со Јапонската култура на одење на одмор. Јапонците важат како нација која е најмногу “лишена” од годишните одмори. Според една "студија", Јапонците имаат најмал број на денови во годината за одмор, од тие денови користат најчесто само половина, а на годишно ниво во просек користат по само 9 дена одмор, што е далеку зад останатите земји.
По втората светска војна и појавата на јапонското економско чудо, јапонскиот животен стандард доживеа значителен пораст. Линијата на потребите на Јапонците, се согледува во следново: во ‘50тите години, за Јапонците било достигнување да ги поседуваат трите С – senpuku, sentakyu и suihanki (вентилатор, машина за перење и електричен уред за варење на ориз); во ‘60тите, пак, доминирале трите К – kaa, kura и kara terebi (автомобил, клима уред и колор телевизор); додека веќе во ’70тите, во кои се случува и јапонското економско чудо, достигнување биле трите Џ – jueru, jetto и jutaku (накит, прекуокеански одмор и куќа).
Имено, по либерализацијата на прекуморските патувања во Јапонија по 1964тата, по оддржувањето на летните олимписки игри во Токио, бројот на Јапонци кои одат на одмор во странство константно расте, за да достигне некоја бројка од 15 мил до средината на ‘90тите од минатиот век. (ова пред се’ се должи на поволниот курс на Јенот, особено по потпишувањето на Plaza D’accord). Надолен тренд оваа појава доживува во 1997 година, поради рецесијата и слабеењето на Јенот. Веќе во 2000тата има нов рекод, од 17,8 мил Јапонци кои одат на странски одмори, за да во 2001, има повторно намалување на бројот, пред се’ поради терористичките напади во САД.
Според најпос ледните статистики, во првата половина на 2010 најмногу Јапонци имаат отидено на одмор во Кореа и Кина, и тоа над 3 милиони. По пола милион јапонски туристи првава половина од годината заминале на Хаваи, Тајван, во Хонг Конг, остатокот од САД и Гуам. Од европките земји, најмногу ги имало во Франција, па Шпанија и Германија. Рецесијата се чини дека нема некое големо влијание врз патувањата на Јапонците во странство, напротив, постојат големи промоции на прекуморскиот туризам во Јапонија.
Наспроти понудата на странските туристички дестинации, самата јапонска влада оди кон тоа да се стимулира земањето на платен одмор, пред се’ за да го подгрее домашниот туризам (а и ради појавата на karoshi;)). Речиси 50% неискористените одмори, според владината калкулација, во случај во целост да се реализираат, би резултирало со 1,5 мил. нови работни места, како и 12 трилиони Јени приходи... но тоа е веќе друга приказна. ;)

MaxXJapan.com

2010-07-24T17:47:00.003+02:00

Само на кратко, да ви презентирам нов портал направен ентузијастички од некои од членовите на нашата група. Нашиот блог сеуште функционира, но порталов е повеќе наменет за online социјализација за сите љубители на Јапонија. Отворен е и форум, што мислевме дека многу фали, со различни теми. Се надеваме дека ќе живне ^_^

Па се гледаме на http://maxxjapan.com/

Поздравувањето и поклонувањето во Јапонија

2010-07-13T20:58:00.008+02:00

Додека чекаме некој да ни се смилости и да ни даде простор за проекции за Јапанорама, да не седи празен блогов, имам да ви споделам еден интересен пост за значењето на поклонувањето (не дарувањето, туку учтивото наклонување) во Јапонија. Денес го читав на интересниот блог за јапонскиот јазик и култура Tofugu.

Накратко, поклонувањето е сосема природно и длабоко врзано за јапонската култура. Не она смешно поклонување од 45 степени што го среќаваме во анимето, туку кратки, учтиви поклонувања со кои јапонците си покажуваат почит еден кон друг. И не само почит. Во Јапонија со поклонувањето се покажува наклоност, понизност, благодарност, извинување, признание и честитка. Длабочината и должината зависат од рангот и социјалниот статус на оној кој изразува почит и оној кон кого се изразува почит. Кога не се познаваат лицата најдобро е, кога ќе се разменат бизнис-картичките како што прават во Јапонија на почетокот од претставувањето, да се утврди кој има повисок статус, а и кој е постар. Годините исто се од особена важност за покажување чест.

Секое поклонување во зависност од намената, дури и има сопствено име. Според Tofugu, поклонувањата се делат на

Климање со глава - секогаш нанапред, спрема блиски пријатели или пониски по ранг, колеги на пример.
Eshaku (会釈) - поклон за поздравување, со наклон од околу 15 степени, е поклон за не толку блиски пријатели и колеги од ист ранг
Keirei (敬礼) - поклон за покажување почит, со наклон од околу 30 степени, е поклон за вашиот шеф или луѓе кои воопшто не ги познавате
Saikeirei 最敬礼 - поклон за покажување најголема чест, со наклон од околу 45 степени, е најчесто поклон за покажување почит кон Императорот, или извинување кога сакате да покажете колку длабоко жалите за својата грешка.
Поклон на земја, наведнување на коленици - е поклон кој денес ретко се користи, порано го користеле традиционално самураите, или при особено очајни извинувања. Денес се користи само во вежбањето на боречки вештини.

Често е тешко да се дефинира кој прв треба да се поклони. Без исклучок, културно е да се врати на поклон. Меѓутоа, во Јапонија можат да се забележат и неколку „смешни“ ситуации на поклонување.
Во продавница на пример, вработените длабоко се поклонуваат. За тоа се платени, па не мора да им се врати со поклон.
Користејќи телефон, јапонците често се поклонуваат, барем со мало климање на главата, што не е воопшто чудно кога ќе сфатите колку време поминуваат во поклонување во живо.
Кога испраќаат некого со воз на пример, јапонците својата посветеност и верност ја покажуваат со тоа што се поклонуваат длабоко и стојат наведнати, (особено во љубовни врски) се’ додека не замине возот, колата или лифтот (?)
Често можат да се видат континуирани поклонувања, едно по едно, бидејќи луѓето не сакаат да бидат надмашени во тоа. Секогаш постои она „враќање на поклон“ кога некој ќе ви се поклони. За среќа секое враќање е помало и помало, па не оди до бесконечност.

Кратка историја на мангата

2010-06-02T10:39:00.005+02:00

Серијалот на текстовите за мангата, објавени во македонскиот стрип магазин "Синдром", повторно од нашиот член Јордан Коцевски продолжува. Во вториот број текстот со наслов: Кратка Историја на Мангата

Поимот манга, како дел од јапонската уметност, се јавува на крајот на 18от и почетокот на 19от век. За прв пат се појавува во форма на сликовница во делото „Shiji no yukika“ од 1798 година на пoзнатиот јапонски поет, писател и уметник Santõ Kyõden. Сепак, од овој период најценети се книгите насловени како „Hokusai Manga“ (1814) на познатиот уметник кој принтал на дрво Hokusai (во светот познат по неговата слика „Големиот бран на Канагава“). Тоа што претставува револуционерно во овие книги е асортиманот на скици на овој уметник, а кои се поврзани како приказна.

Во 1874та година се појавува првиот манга-магазин насловен како „Japan Punch“, основано од Charles Wirgman во 1862 год., а како цртач се појавува Eshinbun Nipponchi. Но поради неговиот едноставен стил на цртање магазинот доживеал само три броја. И покрај неуспехот на овој манга магазин истото било инспирација за појава на нови манга магазини, како „Marumaru Chinbun“ (1877) и „Garakuta Chinpo“ (1879). Од останатите манга магазини вреди да се спомнат „Shonen Sekai“ (1895), „Shojo Sekai“ (1905) и „Shonen Pakku“ (1905), како први манги наменети за машки, женски, односно деца. Тоа што е интересно е дека сѐ до мај 1924 година, со појавата на манга магазинот „Kodomo Pakku“, сите претходни манги биле неми, односно за прв пат во ова списание се користат балончиња за говор.

Развојот на модерната манга започнува во периодот по Втората светска војна. Во овој период видно е културното влијание од САД преку нивните стрипови, филмови и цртани (посебно цртаните од Дизни), кои внесле некои промени во стилот на цртање на мангата. Појавата на „Astro Boy“ (1952) на Osamu Tezuka претставуваше стилистичка иновација во мангата. Tezuka воведе нов „кинематографски“ пристап во кој панелите се како филм, се менува кадрирањето –после далечен следи крупен кадар, се даваат детали од акцијата, се фаќа slow motion ефект и сл. Ваквиот негов стил е практикуван во сите манги кои следат потоа.
До денешен ден се развиени (и развиваат) голем број на жанрови и поджанрови на манга, наменети за различен целен пазар, а популарноста на мангата достигнува светско ниво. За ова повеќе во наредните броеви на „Синдром“.

*Објавените цртежи се дел од Hokusai мангата.

„Јапанорама 16“ посветена на „Џиниус парти“ и „Аниматрикс“

2010-05-27T17:26:00.003+02:00

Денешната презентација во „Ла кања“, во организација на неформалната група македонски љубители на јапонската култура „Јапан@мк“, ќе биде посветена на кратката јапонска анимација - аниме

Шеснаесеттата „Јапанорама“, која ќе се одржи вечерва во „Ла кања“, ќе биде посветена на кратката јапонска анимација. Првиот дел од проекциите е закажан за 20 часот, а вториот во 21.45 часот. Притоа, паралелно ќе бидат прикажани дела посветени на антологијата на кратката анимација, насловени „Џиниус парти“ и „Аниматрикс“, кратки анимации базирани на добропознатата приказна за „Матрикс“, сите од значајни јапонски автори.

- Честопати генијалноста на големите писатели се гледа повеќе во нивните раскази отколку во романите, па затоа овој пат се одлучивме да ви ја претставиме генијалноста на кратката јапонска анимација - велат членовите на групата „Јапан@мк“, која ги организира ваквите дружења.

„Јапан@мк“ е неформална група македонски љубители на јапонската култура, чија цел е на едно место да се соберат луѓето што се фасцинирани од јапонската анимација - аниме, мангата (јапонски стрип), боречките вештини, јапонскиот јазик и јапонската култура воопшто. На тој начин тие ја промовираат оваа поинаква култура во земјава. Досега организирале повеќе проекции на јапонски играни, документарни и анимирани филмови, демонстрирање на јапонскиот ритуал на подготвување чај, изложба на младиот македонски манга-автор Маруко Аква Мизу, хаику-читања, посети на бонсаи-паркот, како и учество на фестивалот на црешите „Сакура“. Групата постои од февруари 2008 година, а од април истата година е активна и преку блогот japmk.blogspot.com, на кој пишуваат дваесетина членови, од кои тројца-четворица се поактивни. Нема ограничување на темите, сé додека се поврзани со Јапонија. Нивниот првичен план било блогот подоцна да прерасне во сајт, но оваа идеја сé уште чека реализација.

- Активностите не запираат, бидејќи секогаш се наоѓа некој што има барем малку време и желба да направи нешто за групата. Од година во година, од месец во месец, се пријавуваат сé повеќе членови кои пројавуваат интерес за нешто што е дел од јапонската култура. Изненадени сме, на пример, од тоа колкав дел од младината во Македонија знае што се аниме и манга, следејќи ги притоа актуелните наслови од таа култура - велат од „Јапан@мк“ и додаваат дека на „Јапанорама“ често доаѓаат и голем број посетители што не се членови на групата.

(превземено од Нова Македонија)

Jапанорама 16 - Genius Party (part 1) vs Animatrix

2010-05-22T20:45:00.001+02:00

Како што често генијалноста на големите писатели се гледа повеќе во нивните раскази отколку романи, овој пат се одлучивме да ви ја претставиме генијалноста на кратката јапонска анимација, double feature. За среќа постојат доволно добри автори и доволно храбри продуцентски куќи - во случајов Madhouse Studios и Studio 4oC, кои често прават интересни компилации од аниме. Од многуте интересни наслови, одлучивме овој пат да пресечеме - од едната страна се Genius Party, првиот дел авторските дела посветени на Антологијата на кратката анимација, a од друга страна Animatrix, кратките анимации базирани на добропознатата приказна за Matrix, секако, повторно од значајни јапонски автори.

Genius Party (part 1) vs Animatrix

Еве го и распоредот на прикажување:
20.00h
Genius Party (Genius Party) 5min
The Second renaissance pt.1 (Animatrix) 10min
The Second renaissance pt.2 (Animatrix) 10min
Shanghai dragon (Genius Party) 15min
Kid's story (Animatrix) 10min
Program (Animatrix) 10min
Deathtic 4 (Genius Party) 15min

Пауза од 30min

21.45h
World record (Animatrix) 10min
Beyond (Animatrix) 10min
Doorbell (Genius Party) 15min
Detective story (Animatrix) 10min
Matriculated (Animatrix) 10min
Limit cycle (Genius Party) 15 min

Уживајте повторно со Јапан@мк и Ла Кања, во среда 26.05.2010 во 20.00 часот
Овој пат аниме-ата остануваат со англиски subs.

Линкови за Genius Party (2007): IMDB, ANN, MAL, Wikipedia, Official site
Линкови за Animatrix (2003): IMDB, ANN, MAL, Wikipedia, Official site

Манга, повеќе од јапонски стрип

2010-05-19T19:03:00.006+02:00

Не е прв пост за дефиницијата на манга-та, ама сепак, секој придонес се важи. Особено овој, заради местото што го добил во стрип заедницата на Македонија. Фала многу на Јордан Коцевски за текстот објавен во македонскиот магазин Синдром, посветен на македонската стрип култура и уредуван од екипата на Макстрип интернет порталот
Наједноставното објаснување за тоа што претставува мангата би било дека тоа е јапонски стрип. Тогаш зошто ако мангата претставува стрип се нарекува со сосема поинакво име. Тоа се должи на фактот што и покрај тоа што мангата е стрип, сепак постојат бројни карактеристики кои ја прават поразлична од останатите стрипови. Првата воочлива разлика помеѓу мангата и стрипот е во форматот на изданијата. Стандардниот формат на интегралните изданија на мангите се помали во однос на стандардните интегрални изданија на пр. на Marvel и DC. Втората воочлива разлика е веднаш откако ќе го отворите изданието –а тоа е начинот на кој се читаат мангите. На место вообичаеното читање од лево на десно, мангите се читаат обратно –од десната кон левата страна. Ова и е причина поради која американските изданија имаат предупредување на последната страна од мангата (дека тоа не е прва) и упатство за читање.

Но и покрај овие разлика, она што навистина го прави јапонскиот стрип манга е стилот на цртање. Имено самиот манга стил на цртање е присутен во Јапонија уште од крајот на 18от век, но непосредно по Втората светска војна следи негова примена во јапонската стрип култура со одредени адаптации под влијанието на американските стрипови, со што во Јапонија почнува и појавата на модерните манги. Денес овој поим се однесува на јапонскиот стрип, нацртан и објавен во Јапонија, додека анимираните филмови цртани во манга стил се познати под името аниме. Карактеристично за манга стилот на сликање е специфичниот дизајн и изглед на личностите, пред сè лицето и експресиите, и тоа дека секогаш се црно-бели. Веднаш ќе познаете дека се работи за манга кога ќе ги видите крупните очи на личностите, нивното мало носе, и не нагласените усни, често претставени со само една црта. Покрај ова уникатноста на мангата е препознатлива по начинот на кој се дизајнира таблата и распоредот на сцените; балончиња за текст со различна форма како резултат на емоционална состојба на личноста која зборува; сцени во кои посебно внимание се посветува на позадината, а не на личноста; сцени со апстракна позадина; честа употреба на „линии на движење“ итн. Токму од овие причини мангата го носи ова име, а не називот јапонски стрип.

Јапанорама 15 - една приказна за едно пријателство

2010-05-14T01:14:00.007+02:00

преземено од блогот на poljaff

Место интро за претходната Јапанорама, еве еден субјективен ривју од мене. Sword of the stranger, изгледан по 4-ти. Зошто оставена 8-цата од мене на MAL? Зашто станува збор за навистина добро аниме.

Прво, и за мене лично многу битно, анимацијата на акционите сцени е неверојатно динамична и беспрекорна. Нешто што е сосема јасно кога ќе се спомене BONES и Ando Masahiro. Човекот стои зад клучните анимации на Cowboy Bebop: Knocking on heaven's door, Fullmetal Alchemist, Eureka 7, Metropolis, MS Gundam SEED Destiny, Jin-Roh the Wolfbrigade... Need I say more

Позадинската музика, во епски димензии ги доловува бескрајните пејсажи и брзите дуелите. На моменти ќе се запрашате од кој свет доаѓаат зурлите и гајдите, и дали не сме со јапонците еден народ во две земји. На моменти, јас барем го имав впечатокот, особено при изливите на чест и достоинство, дека го гледам Последниот Мохиканец со музиката на Trevor Jones и Randy Edelman.
Приказната од друга страна, не е нешто особено, односно не е нешто што не може да се раскаже во две реченици. Како што Еден дечко тоа го направи во најавата за филмот на Facebook. Битно, има логика, не е незамислива и мачна за размислување. Ликовите се доволно обработени со едноставни црти кои веднаш ви го доловуваат карактерот. А и spagetti western/real action a-la-Kurosawa самурајските сцени на припрема на дуелите. Thumbs up од овој субјективен самонаречен критичар. А според реакциите во LaKana, во Скопје, и публиката уживаше во уште едно визуелно доживување наречено Јапанорама.

formspring.me

2010-04-29T02:00:00.001+02:00

Truth or dare? http://formspring.me/aquaxningyo

Japanorama 14 @La Kaňa

2010-04-24T20:40:00.000+02:00

Јапанорама станува редовен настан благодарение на вашата поддршка. По успешната прва проекција оваа година, одлучивме да ја продложиме соработката со ЛаКања и оваа недела да ве поканиме на уште едно дружење.

Овојпат е редот на девојките да ви претстават еден дел од современата јапонска култура и значењето на идолите во светот на јапонските тинејџери. J-pop талентите Kyoko Fukada и Anna Tsuchiya, преку 100 минутната лесна комедија Kamikaze girls (Shumotsuma Monogatari) ќе ве внесат во светот на shoujou manga-та. Чудниот пат на случајноста ќе ги испреплети судбините на две сосема обични девојки, со сосема секојдневни приказни - Момоко, која е типичен претставник на ендемичниот моден тренд на јапонските „лолити“ од Harajuku и Ichiko, вулгарна припадничка на моторџиска банда од исклучиво груби девојки. Низ понекогаш оштри секвенци, понекогаш слатка атмосфера, ќе гледате театарска претстава со култни потенцијали инспирирана од стилот на големите светски режисери.

Се надеваме ќе уживате, повторно со нас, Ла Кања, среда 28.04.2010 во 20.00 часот. Ве очекуваме

Линк до IMDB

formspring.me

2010-04-20T02:18:00.001+02:00

Truth or dare? http://formspring.me/aquaxningyo

Japanorama 13 @La Kaňa

2010-04-10T15:41:00.005+02:00

И се случи чудо, и тоа предвремено божиќно. По пауза од речиси година дена, по 13ти пат Japan@mk во соработка со La Kaňa има задоволство да ви го претстави култното аниме “Токиските кумови” (Tokyo Godfathers), и воедно да го означи почетокот на новото дружење во рамките на оваа манифестација за 2010 година.

Ова аниме - ремек дело на Сатоши Кон, претставува своевидно соочување на гледачот со суровата реалност на токискиот бездомник, пресликана без онаа стандардна патетичност во предавањето на егзистенционалната нота со која е проткаена приказната. Напротив, авторот преку низата на случувања врзани за минатото и сегашноста на одлично извајаните ликови, јасно дава до знаење на гледачот, дека животот сам по себе е чудо, без разлика на условите во кои се егзистира. Низ приказната, која започнува, навидум наивно, кога фамозното трио го наоѓа напуштеното бебе на Божиќната вечер, гледачот суптилно патува низ нивните животи и заедно со нив се бори против сите внатрешни демони кои ги беа одвеле во бездомничкиот прогон.

Само за потсетување за оние кои веќе присуствувале на некои од проекциите на Јапанорама, Сатоши Кон е автор и на фантастичното Paprika.

Вредно да се погледа и да се ужива во секоја минута од ова дело, ве покануваме да ни се придружите на 14.04.2010 година во La Kaňa, со почеток во 19 и 15.

BTW, филмот е со јапонски dub и македонски sub, се’ благодарение на Marya-san & Влатко

линкови до imdb, ANN и MAL

>

Tokyo Sky Tree

2010-03-06T17:27:00.006+01:00

"Tokyo Sky Tree" се гради во Narihirabashi/Oshiage област во Sumida, Tokyo. Со своите 634m, кулата ќе биде една од највисоките во светот. Овој месец се завршија 300м од изградбата, а кулата треба да биде званично отворена во април 2012.

Кулата е цел на потполна дигитализација на јапонската телевизија во која се вклучени 6 големи TV станици, меѓу кои и NHK. Исто така, со неа ќе се подобри и достапноста на дигиталната ТВ емисија за мобилните апарати во Јапонија, која е започната пред скоро 4 години. Со својата висина, кулата ја надминува „шумата“ од супер-високи облакодери на Tokyo, а за нејзино непречено функционирање околу неа се гради „град“ во радиус од 400м.

Претпоставувам дека на сите ви е добро позната кулата на Tokyo, висока 333м, која моментално испраќа 14 аналогни и 10 дигитални сигнали и претставува туристичка атракција уште од 1958 година. Искрено се надевам, покрај својот помлад брат, Tokyo Tower нема да ја изгуби популарноста меѓу јапонските и странските туристи.

Tokyo on Vimeo

2010-01-13T15:32:00.003+01:00

My Tokyo from schnobe on Vimeo.

Sapporo Yuki-matsuri - земја на соништата од кристален лед и бел снег

2009-10-24T20:14:00.007+02:00

Секој Февруари во Сапоро, Хокаидо, се оддржува Фестивалот на снегот или Sapporo Yuki Matsuri. Историјата на фестивалот започнува во 1950-тата година, кога неколку средношколци направиле шест сататуи од снег во паркот Одори (大通公園, Ōdōri Kōen). Во 1955-тата година Јапонските сили за самоодбрана од локалната база Makomanai ги направиле првите масивни снежни статуи, по кои подоцна ќе стане познат овој фестивал. Интересно е и, што во услови на помало количество на наврнат снег во Сапоро, силите за самоодбрана носат снег надвор од Сапоро, а тоа ним им се смета како вежба.

Во денешницата, за време на овој фестивал Сапоро е посетен од страна на 2 милиони туристи од целиот свет. Се оддржува на три локации во рамки на градот: Одори паркот, Сусукино и Тсудоме.

Фестивалот е од натпрева-рувачки карактер (од 1974) на тимови од цел свет, а центар на збиднувањата е секако, паркот Одори. Тој е лоциран во срцето на Сапоро, долге е 1,5 km, а во него се поставени огромните снежни статуи, кои често знаат да достигнат и 15 m висина и 25 m ширина. Често тие служат како импровизирани бини на кои се оддржуваат и концерти. Покрај џиновските статуи, тука се наоѓаат и помали статуи, а најубав поглед на пракот има од ТВ кулата на Сапоро.

Локацијата Сусукино, која важи за red-light district на Сапоро, исто така има статуи и се наоѓа недалеку од паркот Одори. Тука се организира натпреварот во правење на статуи од лед (すすきの氷の祭典, Susuki no Kōri no Saiten). Исто така на оваа локација има годишен избор на Снежна кралица. (мис рУмска лепотица XD)

Tsudome, пак е локација која се наоѓа малку понастрана од центарот, и која е во функција на фамилијарна забава. Тука, на снежни лизгалки и лавиринти, snow-rafting, како и на голф на снег може да се забавуваат сите посетители на фестивалот, како и да уживаат во регионални кулинарски специјалитети.
61виот фестивал на снегот ќе се оддржи од 5ти до 11ти Февруари 2о1о. Иако овие статуи кратко траат, сепак тие се тивок показател на човечката творечка моќ. Кој знае, можеби еден ден, и ние ќе бидеме дел од зимската приказна од бел снег и кристален лед ;)

Дали аниме карактерите се стварно јапонци?

2009-06-09T17:30:00.003+02:00

Одсекогаш ме нервирале оние глупави заклучоци на луѓето, пред се добиени од премалку податоци и размислување, дека карактерите во аниме филмовите се бели (во смисол кавказијанци, white people), и не изгледаат јапонски. Но всушност ова многу кажува колку нивниот заклучок се заснова на стереотипната слика што тие ја имаат во својата глава за тоа како изгледаат јапонците.

На некого ова му го пукнало филмот, па решил детално и визуелно да објасни колку всушност аниме ликовите се типични јапонци, креирајќи го ова видео.

Мислам дека чашата ја претекол нечиј академски труд на темава. ЛОЛ